挑機 iPad、三星 Tab S3!四喇叭華為 M5 系列,平價到港?

左定坤 (Cho Ting Kwan) 2018-04-25 00:36 | Huawei
好耐無同大家分享過平板香港發表的消息。無辦法,因為真係出得少機,好多以前有出平板的廠商如 Sony,都已經從市場上消失,目前還有繼續在平板市場奮鬥的,主要是 Apple、三星、華為、聯想等等。而在近期的平板之中,版主覺得新 iPad 性價比最高:穩定、平價、支持 Apple Pen。當然,三星 Tab S3 都有賣點,同樣有玩筆,而且有四顆 AKG 調音的喇叭加持,睇片、打機體驗也許較佳。然而,華為今日在香港發表的旗艦級平板 MediaPad M5,同樣玩四喇叭,又會否比 S3、iPad 更吸引呢?價錢是重點,睇下文啦!

m5-fb.jpg

今日發表的平板有三部:華為 MediaPad M5 LTE 及 MediaPad M5 Pro WiFi,價錢分別為 $3080、$3780       ,預計將於 4 月 27 日 香港開賣。而兩部平板之中,個人認為較為吸引的,是 8.4 吋的 M5 LTE,用上 2K 解像度屏幕 (2560 x 1600),並配備 Kirin 960 八核心處理器,即上代 Mate 9 所用的那一粒。同時,M5 又內置了 4GB RAM 以及 64GB ROM,並支持最高 256GB microSD 擴充。另外,M5 亦具備 1300 萬像素的主相機以及 800 萬像素的前置相機,支持 Harman / Kardon 音響技術以及雙喇叭,內置 5100mAh 電池,支援 LTE 網絡,並運行 Android 8.0 作業系統。

01.jpg
▲ MediaPad M5 Pro 10.8 吋香港只有 WiFi 版,但可以配合 M Pen 作觸控筆之用。

02.jpg
▲ MediaPad Pro 仲可以配合鍵盤,變為 Android 筆電。華為加入了 Desktop Mode,令感覺更 Desktop 更加似。

03.jpg
▲ MediaPad M5 8.4 吋版本支援 4G LTE,插 SIM 卡就可以上網。

同 M5 8.4 相比,其實 M5 10.8 WiFi 的規格配置都相當接近。除了屏幕尺吋略為不同之外,M5 10.8 電池會較為大一點,有 7500mAh,支持 Wi-Fi,並且內建四喇叭,提高在打機、睇片時的體驗;至於 M5 Pro,則可以理解為支持 M-Pen 觸控筆的 M5 10.8,M-Pen 支援 4096 階感壓能力,並且跟機就有,唔使另外購買;另外,你亦可以加錢購買專用的全尺寸鍵盤保護套配件,讓 M5 Pro 進一步變成筆電模式使用。

呢兩部機,呢個價錢,你又覺得能否與 iPad、三星 Tab S3 一決高下呢?留言討論下啦!

華為 MediaPad M5 LTE 香港行貨賣價為 $3080,按這裡有詳細規格及最新賣價
華為 MediaPad M5 Pro WiFi 香港行貨賣價為 $3780,按這裡有詳細規格及最新賣價
 

相關產品 (2)

相關報導 (2)

【內含片】喇叭四重天:大芒華為 M5 Pro「AV 平板」實測

【內含片】喇叭四重天:大芒華為 M5 Pro「AV 平板」實測

早前鬧出笑話,「平板」突然被消失於Google官網,各路媒體大造文章話Android平板末日來臨,其後官方澄清只係網頁故障,將「平板」重新上架。但心水清的網友都知道Android平板近年其實越出越少,成日問YK我有乜好推介,我都撒手搖頭感嘆無太多選擇。華為推出MediaPadM5平板系列可算為「平板末日」注入一絲生氣,所以我都立刻問版主借用M5Pro平板,睇睇有乜特別先~

YKer | 2018-07-02
挑機 iPad、三星 Tab S3!四喇叭華為 M5 系列,平價到港?

挑機 iPad、三星 Tab S3!四喇叭華為 M5 系列,平價到港?

好耐無同大家分享過平板香港發表的消息。無辦法,因為真係出得少機,好多以前有出平板的廠商如Sony,都已經從市場上消失,目前還有繼續在平板市場奮鬥的,主要是Apple、三星、華為、聯想等等。而在近期的平板之中,版主覺得新iPad性價比最高:穩定、平價、支持ApplePen。當然,三星TabS3都有賣點,同樣有玩筆,而且有四顆AKG調音的喇叭加持,睇片、打機體驗也許較佳。然而,華為今日在香港發表的旗艦級平板MediaPadM5,同樣玩四喇叭,又會否比S3、iPad更吸引呢?價錢是

左定坤 (Cho Ting Kwan) | 2018-04-25

最新新聞