網友問,版主答! Sony Z4 Tablet 版主體驗分享!

Lawrence 2015-05-19 21:12 | Sony
Sony 今日就發佈自家系列最高規格平板 Xperia Z4 Tablet ,係定價上可能會比網友原先所想的略高左少少,但係規格同埋功能上以平板來講就實係無得彈。版主岩岩就拎到真機試玩(連埋個 Keyboard ),今次除左會做上手試外亦會以問答方式回答大家的問題,想知道呢部平板是否值得入手的朋友就不妨留意啦!

//timgm.eprice.com.hk/hk/pad/img/2015-05/19/68039/lawrencelaw_3_4475_94f44ce1f75e455ade891c991b31a16a.jpg


6.1mm 超薄兼只有 389g ! Sony Xperia Z4 Tablet 外型超班,屏幕出色。

想介紹呢部平板實在唔容易,因為除左硬件之外,係外型上 Z4 Tablet 也是相當值得講的。呢部平板係材質上係用返磨沙塑膠材質,手感比較難話係相當好。不過在重量同厚度方面 Sony 真係控制得相當出色,重量只有 393g 比起 iPad Air 2 更輕!一拎上手時果種輕的感覺,真係令人難以相信自己手上拎緊的東西是一部平板(版主日常所用的是 iPad Rentina 版,重量上對比很大)。而係厚度方面 Z4 Tablet 亦都只有 6.1mm 厚,呢個厚度除左係平板上算係相當出色外,亦都唔係一般手機能夠相比的。另一點 Z4 Tablet 值得一讚係有 IP68 防水規格,即使係 1.5米的水深之下 30 分鐘都沒有問題,唯一美中不足係濕左水後觸控屏幕的準確度會有所影響,但係聽歌睇片呢啲都不成問題啦!

屏幕亦係呢部平板的一大賣點,比起上一代 8 吋屏幕的 Z3 Tablet Compact 的 FHD 解像度,今次 Z4 Tablet 再提升到 2K 解像度。值得一讚係 Z4 Tablet 的亮度表現相當唔錯, Sony 就表示最高光度有 500cd ,實際使用時版主將 Samsung 的 Galaxy Note 4 作一個對比,就發現 Z4 Tablet 的光度比起 Note 4 還要強。同時調到最暗時,亮度亦比起 Note 4 暗少少。係細緻度方面,有 2K 解像度的屏幕當然都屬於一流水平啦。

//timgm.eprice.com.hk/hk/pad/img/2015-05/19/68039/lawrencelaw_3_4475_e1235f874d99fba5199a0b50d2bfb160.JPG
▲ 提升至 2K 解像度後 Z4 Tablet 的屏幕用左 16:10 比例。

//timgm.eprice.com.hk/hk/pad/img/2015-05/19/68039/lawrencelaw_3_4475_e8d84dc9aca12df4e0cb2caa9b9cb914.jpg
▲ 新一代的 Sony 平板已不需要用防水蓋保護 USB 連接埠,但係 Sim 卡同 SD 卡位仍係要防水蓋保護的。

//timgm.eprice.com.hk/hk/pad/img/2015-05/19/68039/lawrencelaw_3_4475_9f2f09212037e8810bf7fd6fd43d7c17.jpg
▲其實 Samsung 的 Galaxy S6 Edge 已經算係薄,但同 Z4 Tablet 一拼埋去就被比下去了。

//timgm.eprice.com.hk/hk/pad/img/2015-05/19/68039/lawrencelaw_3_4475_1a715a2f521675be27c0d376b2764874.jpg
Z4 Tablet 擁有 IP68 防水規格,有網友提議版主試下水中跑分,版主就唔夠膽咁做,用呢張相袋住先啦!

//timgm.eprice.com.hk/hk/pad/img/2015-05/19/68039/lawrencelaw_4_4475_4141bb654036f93a434eb71bed32cb70.JPG //timgm.eprice.com.hk/hk/pad/img/2015-05/19/68039/lawrencelaw_4_4475_5db55ba35e9b32359ae8e3bd08764542.JPG
可以見到同 Galaxy Note 4 相比, Z4 Tablet 屏幕亮度係比較高的,可視角度也相當不錯。

//timgm.eprice.com.hk/hk/pad/img/2015-05/19/68039/lawrencelaw_5_4475_c78994384c713cf315c3dc9c4c4444cd.JPG

▲ 屏幕係 Z4 Tablet 一大賣點,可以見到不論係色彩飽和度同埋清晰度方面都很不錯。

Qualcomm S810 + 3GB RAM 效能表現不俗!性能不遜於一眾旗艦手機

Z4 Tablet 其中一項重要的賣點就係用上主流旗艦所採用的 Qualcomm S810 ,令到呢部平板某程度上也能夠勝任一部電腦的文書處理工作。係跑分方面, Z4 Tablet 係安兔兔上的跑分同一眾 S810 Android 手機分數相近,約為五萬三分左右,但要留意係 Z4 Tablet 係用緊 2K 解像度的屏幕,所以有呢個成續算係相當不錯了。

//timgm.eprice.com.hk/hk/pad/img/2015-05/19/68039/lawrencelaw_3_4475_ddcff7ed71c59f2a30de96f4ec978a95.jpg
係安兔兔跑分上, Z4 Tablet 的分數為 53711 ,分數比起同是 S810 配 3GB RAM 的 HTC One M9 出色。

//timgm.eprice.com.hk/hk/pad/img/2015-05/19/68039/lawrencelaw_3_4475_a5c2a0463a76b43670a8f8fe434bcda0.jpg
係 Vellamo 上面 Z4 Tablet 的分數分別為瀏覽器 3924 、多核心 2188 同埋單核 1182 。

//timgm.eprice.com.hk/hk/pad/img/2015-05/19/68039/lawrencelaw_3_4475_7e5e20d3d9d897f34e3c52f92903d4a8.jpg
係 Basemark 2.0 上面,Z4 Tablet 高達 58.37FPS ,成續算係相當出色。

Z4 Tablet 配上 BKB50 藍牙鍵盤會否是最住搭擋?

當 Z4 Tablet 發佈後,好多朋友第一時間都被呢個平板的賣價嚇一跳,都好好奇 Z4 Tablet 能否勝任比起一般平板更多的工作。接下來版主就會嘗試透過試用左一段相當短的時間裡面的經驗同大家分享下 Z4 Tablet 係配上 BKB50 藍牙鍵盤後有甚麼特別,同埋回答返網友一般的疑問。另外,版主仍會繼續試玩呢部平板,如果大家有更多的問題都可以問㗎!


Z4 Tablet 能否係配左藍牙鍵盤的同時再裝上藍牙滑鼠呢?

係可以嘅! 版主問過 Sony 的專員,佢地就強調 Z4 Tablet 係透過藍牙接駁鍵盤的同時,也可以連接打印機、 喇叭、滑鼠等裝置(最少連到 4 個裝置)。但係有網友提到能否支援到 portable harddrive ,呢方面同其他平板一樣, Z4 Tablet 使用時都會相當不穩定,當然 Micro USB 手指就沒有問題啦。

//timgm.eprice.com.hk/hk/pad/img/2015-05/19/68039/lawrencelaw_3_4475_c840e5ffb7930f0967b97558fe5ef75f.jpg
▲  Z4 Tablet 要同時連接滑鼠、鍵盤、喇叭等裝置並不是問題。

買 Z4 Tablet 的話是否一定要連埋BKB50 藍牙鍵盤?

大家如果想入手 Z4 Tablet 的話並不一定要連埋 BKB50 藍牙鍵盤的,而如果想連埋 BKB50 藍牙鍵盤買的話就要 $6398 。


BKB50 藍牙鍵盤可否套用係其他裝置上?

呢個是一個相當好的問題!版主請教過後得出的答案係,BKB50 藍牙鍵盤可以完美地配合 Z4 Tablet ,但其他的平板理論上是可以連接到的,因為鍵盤都係透過藍牙連接。但需要留意係鍵盤能否「夾到」平板也是重點,需知 Z4 Tablet 只係 6.1mm 厚,市場上有如此薄的平板實在不多啊!

//timgm.eprice.com.hk/hk/pad/img/2015-05/19/68039/lawrencelaw_3_4475_78cf83ec5acc751e9c715e3c4364d831.jpg
大家可以見到 BKB50 藍牙鍵盤係透過「夾」的方式來裝上平板的, Z4 Tablet 當然不會有問題,但其他裝置就不一定能成功了。


Z4 tablet 是否可以打電話?

可以的,在香港上市的 Z4 Tablet 會係 LTE 版,當中支援語音通話,而且平板本身也有喇叭同 Mic ,不用耳機也可以打電話。(只係用 10 吋平板但唔用耳機通話相信很有難度icon

//timgm.eprice.com.hk/hk/pad/img/2015-05/19/68039/lawrencelaw_1_4475_ef8b7d392a5e260f573fd0ada48ad8d3.jpg
▲ 雖然毫不起眼,但係 Z4 Tablet 的機面係有雙喇叭的。(在屏幕左右邊框)

Z4 Tablet 能否支援多重視窗呢?

其實 Sony 不論在手機還是平板上都有一個名為「小應用程式」的功能以達到多重視窗效果,用家可以按多工鍵開啟, Z4 Tablet 當然都支援呢個功能啦!

BKB50 藍牙鍵盤手感如何?

呢個問題相當重要!話晒 BKB50 藍牙鍵盤價錢都不算十分便宜,是否值得入手都係一個不少朋友都想知的重點。(跟 Z4 Tablet 買都要一千蚊,雖然話有一年 Office 365 用啫)初步試用過後版主覺得應該從鍵盤設計、手感以及跟 Z4 Tablet 的配合呢幾方面來解答。首先,如果從鍵盤自身來講的話, BKB50 藍牙鍵盤勝在按鍵回彈力不錯,版主更聽到有人話手感比起 New Macbook 好,另外有 trackpad 也是一個抵讚的地方。如果要講缺點的話,版主會話按鍵稍嫌太小,但要配合 10 寸平板鍵盤尺吋細一點都無可口非。

//timgm.eprice.com.hk/hk/pad/img/2015-05/19/68039/lawrencelaw_1_4475_4e554cb29672c09c88fa3e6b5988bc4b.jpg
在香港發售時,BKB50 藍牙鍵盤將會加入倉頡字碼,以藍牙鍵盤來說版主覺得 BKB50 已算相當不錯。

另外就係同 Z4 Tablet 的配合了,呢個係好多人都忽略左的一點。其實除左硬件配套外,軟件上的支援也是很重要的一環。當連接左藍牙鍵盤後,大家會發現 Z4 Tablet 係使用模式上其實係有一定的轉變去方便用家,首先係屏幕下方會多左一欄有快捷鍵的 Bar ,令使用的感覺同 Chromebook 很相似,呢點實在係令人驚喜!另外就係輸入法上 Sony 也下了苦功,用家可以在 BKB50 藍牙鍵盤上按 Control 同 Shift 去快速轉換輸入法,當然港人常用的速成/倉頡輸入法也支援到。最後就係 Z4 Tablet 本身內置左 Windows 的 Office 組合,包括 Word 、 PPT 同埋 Excel 等,要處理基本簡單的文書工作相信不會是問題。綜合呢幾點,版主相信某程度上 Z4 Tablet 真係可以取代到 Chromebook 甚至 Notebook 的部份功能,不過同一般文書機相比也是有差距啦。

//timgm.eprice.com.hk/hk/pad/img/2015-05/19/68039/lawrencelaw_1_4475_e571d43943584c8bed46875b9b22ef4a.jpg
當連接左鍵盤後,大家可以見到屏幕下方多了一條快捷鍵 Bar ,同時可以更方便的啟用「小應用程式」功能。

總結:外型、規格皆一流!可應付基本文書處理,但價錢或會影響吸引力。

係簡短的試用過後,版主基本上好難搵到 Z4 Tablet 有甚麼明顯缺點。從外型,效能兩方面來講呢部平板相信能滿足大部份朋友的要求,既能做到輕、薄同時又支援防水,而且用上 S810 處理器的同時在電量方面也能有所兼顧。(仲可以打電話呢!)誇張咁講,如果要選擇目前係外型同規格都係最頂級的 Android 平板的話, Z4 Tablet 會係不二之選,相信即使係 iPad Air 2 都未必有如此出色的表現。而且配上藍牙鍵盤後,可能因為 Sony 下了功夫優化的關係,使用體驗更加係令人驚喜。實用性比起一般 Android 平板高呢點相信大家都會同意,而同 Chromebook 比起來更好應該也有不少朋友讚同。不過要留意一點就係 Android 的平板始終有其限制,要用 Z4 Tablet 來取代一般文書機的話就比較困難了。

簡單做個總括,試用過後版主個人覺得 Z4 Tablet 可以話為 Android 的平板訂下了一個更高的標準,某程度上亦可以話為計來相當平淡的 Android 平板帶來了啟發。 Android 平板不一定要鬥平鬥減價先叫有出色,反而在硬件同軟件上加強產品的支援性(例如同時連結多個設備)以及實用性也能夠為用家帶來吸引力。
不過,Z4 Tablet 係定價上實在係有點貴,呢點有可能令有意入手的朋友卻步,畢竟配埋藍牙鍵盤都差不多成六千四百蚊,版主都俾唔起啊icon。唔知大家又點睇呢?不妨留言講講啦!另外,如果對呢部平板有疑問的話大家都可以透過 Facebook 或會員留言功能去問㗎。icon

在文章發佈的時候, Sony Xperia Z4 Tablet 的定價為 $5398 ,按此查看詳細規格及最新賣價。

相關產品 (1)

相關報導 (3)

2K 芒+防水+ S810 ! Sony Xperia Z4 Tablet 定價你點睇?

2K 芒+防水+ S810 ! Sony Xperia Z4 Tablet 定價你點睇?

同一眾大牌子相比,Sony近排的動作可能比較慢,不過好戲總係在後頭,經過今日(19/5)的發佈會,大家就會明白到Sony已經準備好了!今次的新品發表會上面Sony一口氣推出左三樣新產品,雖然旗艦手機未現身但係旗艦平板就率先登場,究竟呢部係MWC2015上發佈時已爭取到唔少朋友歡心的XperiaZ4Tablet正式定價係幾多?能否挑戰到iPhone的地位呢?大家一齊睇睇啦!

Lawrence | 2015-05-19
網友問,版主答! S810 +防水 Sony Z4 Tablet 版主體驗分享

網友問,版主答! S810 +防水 Sony Z4 Tablet 版主體驗分享

Sony今日就發佈自家系列最高規格平板XperiaZ4Tablet,係定價上可能會比網友原先所想的略高左少少,但係規格同埋功能上以平板來講就實係無得彈。版主岩岩就拎到真機試玩(連埋個Keyboard),今次除左會做上手試外亦會以問答方式回答大家的問題,想知道呢部平板是否值得入手的朋友就不妨留意啦!

Lawrence | 2015-05-19
Sony Xperia Z4 Tablet 大解構!7 大特色功能你要知

Sony Xperia Z4 Tablet 大解構!7 大特色功能你要知

2015年Sony可以話係一改玩法,由以往以XperiaZ系列旗艦手機作為年頭主打,改為以SonyZ4Tablet打頭炮!SonyZ4Tablet由發表至今能夠贏得唔少網友掌聲,相信當中一定有佢嘅過人之處。所以今次版主就從SonyZ4Tablet嘅重點功能同規格兩方面拆解呢部平板主打有乜咁特別。有興趣入手嘅朋友快啲睇下文啦!MWC2015

Lawrence | 2015-03-08

最新新聞