旗艦平板大戰! Sony Z4 Tablet 減價鬥 Google Pixel C ,邊部贏?

Lawrence 2015-12-21 22:06 | Sony
在平板市場日漸萎縮的情況下, Android 大廠看來都不願再投放大量資源推出規格強勁的新產品跟 iPad 一爭長短,變相令大家的選擇也比以往少。不過, Google 看來就有意在高規格 Android 平板上發展,早前就正式在香港推出了規格強勁的 Pixel C 。跟 Sony 在年中推出的 Z4 Tablet 一樣,兩者同樣是 10 吋可配搭鍵盤使用的旗艦級平板,在 Z4 Tablet 近來再受劈價戰影響而減價下,性價比那一方較高呢?要看看下文了。

//timgm.eprice.com.hk/hk/pad/img/2015-12/21/68185/lawrencelaw_1_4475_cff6a5089d8d23e5a575ff27551e31b1.jpg

Google 親自出馬! Pixel C 規格能完勝 Z4 Tablet 嗎?

作為 Google 親看出手的作品,上星期已經開賣的 Pixel C 係規格無疑係有力成為 2015 最強 Android 平板的,不過係香港就要面對 Sony Z4 Tablet 呢個強敵。而家首先同大家簡單來一個規格比較,再來分享下 Z4 Tablet 的減價消息同埋跟 Pixel C 係價錢上的比較邊一方較優勝。

係外型上, Google 其實做得相當不錯,因為 Pixel C 用上薄鋁合金外殼,如果加上鍵盤的話真係同 Macbook 系列有幾份似。不過, Z4 Tablet 無金屬機身,但卻支援 IP68 防水規格也是一個優點。就 10 吋平板而言,重量同厚度都是很重要的一環。以厚度而言,兩者都相當出色, Pixel C 只有 7mm 厚而 Z4 Tablet 更只有 6.1mm 厚。不過係重量方面,電池容量出色的 Pixel C 就有成 517g 重,不及 Z4 Tablet 393g 輕。

在規格上,兩者可謂不相伯仲, Pixel C 同 Sony Z4 Tablet 都用左 10 吋以上屏幕(前者 10.2 後者是 10.1),屏幕一樣有 2K 解像度。係處理器方面, Pixel C 用上 NVIDIA 的 Tegra X1 四核處理器配 3GB RAM ,而 Z4 Tablet 就用左 Qualcomm S810 處理器配 3GB RAM ,從效能來說, Pixel C 在安兔兔測試上得到九萬多分,僅次於華為 Mate S ,可以見到比起 Z4 Tablet 係更勝一籌的。不過,容量方面就唔同講法,因為 Pixel C 係香港只係得 32GB 版本推出,而且不支援 SD 卡,而 Z4 Tablet 有 32GB 內置容量同時支援最大 128GB SD 卡。

最後就是電池方面啦,從 Pixel C 517g 重大家都可以估到佢不簡單,官方表示其電量為 34.2WH ,換算大約為 9000mAh ,而 Z4 Tablet 就只有 6000mAh 。另外要留意, Pixel C 只有 WiFi 版本,而 Z4 Tablet 在港就只有 4G LTE 版。

//timgm.eprice.com.hk/hk/pad/img/2015-12/21/68185/lawrencelaw_3_4475_e3d92e5fe6b90e38f2eaa006651b2ed9.jpg
Pixel C 同 Z4 Tablet 一樣有專屬 Keyboard ,兩個 Keyboard 定價一樣過千。

//timgm.eprice.com.hk/hk/pad/img/2015-12/21/68185/lawrencelaw_3_4475_f7359f4052ef674ead50e312d9db9d47.jpg
▲在安兔兔 6.0 版本上, Pixel C 跑分只係差 Mate 8 少少!

Z4 Tablet 大鋪「即減一千」,抵玩過 Pixel 嗎?

係 Z4 Tablet 開賣時,定價要成 $5398 (連埋鍵盤加多一千),當場令有意入手的朋友卻步。不過,因為近來有劈價戰,呢部價錢不太吸引的平板都要大減價了!版主問過,係百老匯 Z4 Tablet 原來已經「即減 $1000」,由原價 $5398 減到 $4398 ,可惜 Z4 Tablet 的靈魂所在 BKB50 藍牙鍵盤就無點平到,連埋鍵盤都係要 $5998 。再來睇睇 Pixel C 賣價,呢本平板定價為 $3888 ,比起 Z4 Tablet 平 $500 左右,而需要加購的鍵盤價錢就要 $1188 ,加起來都係過五千。唔知大家又覺得兩強相遇,邊個性價比更高呢?順帶一提,除左 Z4 Tablet 之外,其實 8 吋芒的 Xperia Z3 Tablet Compact 都有減價,賣價係 $2998 (本身賣緊 $3398)。

//timgm.eprice.com.hk/hk/pad/img/2015-12/21/68185/lawrencelaw_3_4475_b3c46666d1d1454710fc0a6055c7f060.jpg
▲ Z4 Tablet 係百老匯淨機已減到 $4398 ,即係比原價平一千,但連 Keyboard 價錢就無減到,版主問過都要 $5998

在文章發佈時, Sony Xperia Z4 Tablet 價錢為 $4398 ,按此看平板詳細規格及最新賣價。
在文章發佈時, Google Pixel C 價錢為 $3888 ,按此看平板詳細規格及最新賣價
在文章發佈時, Sony Z3 Tablet Compact 最新賣價為 $3398 ,按此看平板詳細規格及最新賣價

最新新聞