一千唔使 4G 雙卡: 七吋 Lenovo Tab 3 通話平板開箱

YKer 2017-04-02 13:58 | Lenovo
早前 YK 仔已經同 Telegram 網友預告過,會分享呢部平板電腦 Lenovo Tab 3 系列中的 TB3-730X ( 下稱 TB3 ),皆因九百幾蚊買到七吋芒 + 可以打電話的平板,市場上少有之餘,TB3 仲有 LTE 三選二卡槽以及「杜比」加持。望埋個規格表,竟然有 IP52 防水濺設計,機身得 260g 重。事不宜遲,立刻開箱!

FB.jpg

開箱:入門機勝在夠平
首先,需要說明一下,本 YK 是次開箱的型號是 TB3-730X,而 Lenovo 旗下的 Tab 3 系列中另一款 7 吋平板冠名 Essential,或許樣子跟我手上的 TB3 非常相似,但其實兩部有截然不同的規格。 忘了說,如果你只追求高性能硬件的平板,那麼此平板並不適合你收看。本人購置 TB3 的用途主要是工作上處理電郵、查看文件,收工後睇片、睇新聞之用,遊戲和重度操作不屬需要用途之列,敬請留意!

LGGF4056.JPG
▲ 包裝盒原有塑膠封包,每邊開口有封條,以說明是全新未開盒貨。

LGGF4053.JPG
▲ 盒面列名,屏幕是 7 吋 IPS 1024 x 600 解像度,但實際體驗上卻無明顯的顆粒感。

LGGF4057.JPG
▲ 重要賣點一眼見到嗮,主要有 IP 52 防水濺和杜比 ATMOS 加持。另一個讓我選擇 TB3 而非 Essential 的原因在於,TB3 有 2GB RAM + 16GB ROM,以及支援 LTE 通話,這個通話不需要外插耳機 / 藍牙耳機!

LGGF4074.JPG
▲ 開箱啦!一板、一線、一牛、四書,就係咁多野;而 TB3 跟香港聯想行貨一年保養。

LGGF4076.JPG
▲ 火牛輸出只有 1A,充電速度慢是預期之事,但我習慣訓覺充電,所以無任何大影響。


設計:手感一流
對於一部唔過一千蚊的平板,可以要求得幾多? TB3 最令我驚訝是造工,背殼手感一流,塑膠感竟然令我覺得更勝於金屬殼! 另外,機身配色沉實,黑色陪藍色絕對好過一堆大陸金配銀,唔容易污糟又顯出本人踏實、沉穩的風格。

LGGF4105.JPG
▲ 本體登場! 第一觀感上 TB3 極像 Google Nexus 7 平板,機身加入窄邊框設計。

LGGF4092.JPG
▲ 採用虛擬三天王之餘,亦盡量保留了原生 Android 6.0 的界面,包括 Launcher 和系統選單。

LGGF4096.JPG
▲ 機頂有 micro-usb 接口,亦支持 OTG 讀取 USB 手指。

LGGF4097.JPG
▲ 機身保留 3.5mm 耳機接口,你可能會話咁都要講? 因為 TB3 支援 FM 收音機,所以呢個接口好重要 。

LGGF4098.JPG
▲ 音量鍵與電源鍵就一定有架喇,按鍵咁非常清脆! 而主鏡頭有 500 萬像素自動對焦,有勝於無。

LGGF4106.JPG
▲ 但我想強調下,TB3 機背非常舒服,磨砂質感設計除了增強抓握力外,亦不容易留下指紋。

LGGF4100.JPG
▲ 三選二式卡槽:兩張 micro-sim 或 一張 micro-sim + micro-sd 卡,支持 Android 6.0 的記憶卡整合功能。

LGGF4101.JPG
▲ 講明係 LTE Call 平板,機身底部設有一個收音孔。

LGGF4095.JPG
▲ 前置鏡頭得 200 萬像素就唔多講;聽筒位好特別,同時亦是外放喇叭位,音量夠大而播片效果亦不錯。

LGGF4108.JPG
▲ 平價的代價係屏幕,我講緊塊透明塑膠,容易留指紋和油污,而且滑動界面時並不滑動,明顯是出於成本的緣故,並沒有採用強化玻璃,所以我另外購入玻璃貼以補完這個問題。


性能測試:入門中的入門
我話得係入門平板,一千唔使就買到,你都唔會信佢會比到你旗艦規格掛? TB3 處理器用 64bit 的 MTK MT8735P 2GB RAM + 16GB ROM 並預載 Android 6.0,內置 3450mAh 容量電池。需要留意係 WiFi 並不支援雙頻,但竟然有訊號指示燈。

Screenshot_20170402-140333.png
▲ 界面好乾淨,仲可以打橫睇,方便我保持橫向睇片、做野等場景切換,唔係部部機預載 Launcher 都做得到!

Screenshot_20170402-140448.png
▲ 不得不提,TB3 一開就叫我更新軟件,連續更新左三次定四次我已經唔記得,雖然有更新係好事,但每次更新都搞好耐,一個小時走唔甩!

Screenshot_20170402-141321.png
▲ 圖像性能方面,Basemark ES 2.0 Taiji 顯示得分只有 31.98fps,說明大型遊戲與 TB3 無緣,甚至是一些設計差的「大食 App」都會慢 + Lag 如 Facebook,所以我轉用 Facebook Lite 算數。

Screenshot_20170402-143605.png Screenshot_20170402-140852.png
▲ 安兔兔測試顯示,TB3 性能低至 23498 分,印像中係我手上最低分的一部機。而 2GB RAM 的閒置記憶體大概有 600-700MB,文書使用上未試過因為 RAM 不足而發生彈出情況。

Screenshot_20170402-140937.png
▲ 有一個奇怪的問題,或許與我使用了「整合 micro-sd 卡功能」有關:安裝部分應用程式後會無法打開 / 運行部分功能。到底是 Lenovo 系統寫得不好? 還是應用程式兼容差? 這我就不知道了。我只是知道重新開機就不再出現這個問題。


續航力長:一日肯肯定無問題
其實你都估到啦,MTK 處理器係續航的保證,3450mAh 電量睇落好一般,但實際用落卻好長氣! 官方聲稱可以用 9 小時,但我普通一日處理郵件、睇文檔、睇片、睇新聞,偶然玩下 Facebook 同網友係 Telegram 吹水,翻到屋企 10 點一睇,TB3 電量仍然有 40 %。

Screenshot_20170402-140613.png
▲ 預設有個待機智慧型省電,原理係乜我雖不知道但照樣開住。大家看到電量圖中間空白位置嗎? 這個是 TB3 預設的自動關機和自動開機,設定好時間後,就會幫你自動關機和自動開機,適合生活有規律的人如本人使用。


結論:平野真係有好野,但睇你能否接受入門規格
好多朋友好富有,都同我講「不如比多少少買乜乜乜好過」,我都十分同意,畢竟有錢我買乜都得啦!但睇嗮一千樓下的平板,不外乎大陸機 / 水貨機,要打電話? 更加少只有少。Lenvovo TB3-730X(唔係 Essential 呀)處理器弱確實不適合高性能需求的用途。 但如果你跟我一樣只是睇文件、漫畫、睇片,又需要一部有 LTE 功能的平板,TB3 確實係本人近期覺得不錯的選擇。 

呢部平板原先定價幾多我唔知,我見某網絡商買兩千幾,但我用 970 元買到。至於邊度買? 私底下入黎 Telegram PM 問我啦!題外話,如果網友有其他好推介,不妨留言分享下~
 

最新新聞