主題:雙卡、雙套、雙喇叭! 聯想 tab 4 8 PLUS 通話平板開箱

  • 發表時間:2017-10-28 20:09 收錄檢舉
    老老實實,市面上要買功能多又齊全、價錢平又可靠的 Android 平板電腦真係數唔到有幾多部。尋尋覓覓,本 YK 終於搵到聯想 Lenovo tab 4 8 PLUS,這部平板電腦憑綜合條件取勝,有幸成為我日常開工拍檔。 我係綠鋪 2300元入手,呢個價錢買到 8 吋 FHD 級屏幕,前置雙喇叭,雙卡 LTE / 記憶卡三選二,仲送雙套 (我知道好多網友唔中意套~),呢個價錢有咁樣貨仔完全收嗮貨有凸! 廢話少講,直接開箱~

    雙卡、雙套、雙喇叭! 聯想 tab 4 8 PLUS 通話平板開箱

    開箱:送兩套更保險
    講多少少廢話:係月黑風高的晚上,我走到綠鋪視察,哥仔話得 tab 4 8 PLUS 只有白色現貨,而且要現金才能以 2300元割讓給我。黑色玻璃背指紋收集器,而且其實佢標價 2499 元我都覺得抵。同場有另一部叫 tab 4 10 PLUS,擁有差不多規格但屏幕是 10 吋。我要出街移動辦公室,所以不考慮任何 10 吋平板,更何況 tab 4 10 PLUS 價錢稍貴一點。

    雙卡、雙套、雙喇叭! 聯想 tab 4 8 PLUS 通話平板開箱
    ▲ tab 4 8 PLUS 包裝用上紅藍色,令人想到幪面超人 Build 的風格! 唔知乜水就自己 Google 喇~ 

    雙卡、雙套、雙喇叭! 聯想 tab 4 8 PLUS 通話平板開箱
    ▲ 聯想 Lenovo tab 系列平板一向版本超多,型號差一個字就完全兩回事,認住本 YK 入手的是 tab 4 8 PLUS 呀!

    雙卡、雙套、雙喇叭! 聯想 tab 4 8 PLUS 通話平板開箱
    ▲ 盒身已經講左官方認為是重點的規格,呢部平板有指紋感應器加前置雙喇叭,正!

    雙卡、雙套、雙喇叭! 聯想 tab 4 8 PLUS 通話平板開箱
    ▲ 聯想這次非常佛心,跟機送兩個官方原裝套,其中一個是給小朋友用的 bumper 套,聲稱可以令你的小平板擁有更堅固的保障。呢樣就聽住先好喇~

    雙卡、雙套、雙喇叭! 聯想 tab 4 8 PLUS 通話平板開箱
    ▲ 盒內跟一塊花紋背蓋卡,以及有一張屏幕貼。

    雙卡、雙套、雙喇叭! 聯想 tab 4 8 PLUS 通話平板開箱
    ▲ Bumper 造工相當實在,是硬膠! 開孔位也是絕對準確,因為這是原廠配件啊。。。 

    雙卡、雙套、雙喇叭! 聯想 tab 4 8 PLUS 通話平板開箱
    ▲ 另一個套就是這款,我現場讓綠鋪哥仔裝機給我帶走,跟套送的一張屏幕貼立馬貼上,所以沒有包裝盒給大家看。這套表面是容易弄髒的物料,很容易吸塵,也千萬不要沾水。

    雙卡、雙套、雙喇叭! 聯想 tab 4 8 PLUS 通話平板開箱
    ▲ 套裡面卻是類橡膠觸感物料,設有塑膠卡位。

    雙卡、雙套、雙喇叭! 聯想 tab 4 8 PLUS 通話平板開箱
    ▲ 卡位非常準,因為這又是原廠配件啊。。。 

    雙卡、雙套、雙喇叭! 聯想 tab 4 8 PLUS 通話平板開箱
    ▲ 開合位有磁感設計,可以配合 tab 4 8 PLUS 開關屏幕。,套上 tab 4 8 PLUS 後的厚度可以接受,也有讓人放心的可靠感覺。


    盒內原機配件一覽
    原裝跟機盒內有乜? 一條 USB Type C 線材,一個 5.2V 2A 輸出的火牛,並非時下流行的快充制式。另外亦無送耳機,但送比我都唔會用喇,直接扣減售價好過~ 

    雙卡、雙套、雙喇叭! 聯想 tab 4 8 PLUS 通話平板開箱 雙卡、雙套、雙喇叭! 聯想 tab 4 8 PLUS 通話平板開箱

    雙卡、雙套、雙喇叭! 聯想 tab 4 8 PLUS 通話平板開箱
    ▲ 有張清單比你檢查確保無人偷你配件。


    真身登場:追上雙面玻璃潮流!
    過往 tab 3 系列都係採用塑膠 + 金屬背設計,黎到 tab 4 系列改成正反雙面玻璃,我個人無太大好感,畢竟堅硬度會大幅降低,潮流野我真係識條野。 第一上手感覺是輕巧,8 吋機身只有 300g 能單手把持,戴套後亦無任何不適。

    雙卡、雙套、雙喇叭! 聯想 tab 4 8 PLUS 通話平板開箱
    ▲ 白色 Panel 的壞處係見到 500 萬像素定焦前鏡頭及感光器,但就唔會見到好多指紋印。

    雙卡、雙套、雙喇叭! 聯想 tab 4 8 PLUS 通話平板開箱
    ▲ 背部玻璃設計簡潔,只有 Lenovo 字樣,左上角是 800 萬像素自動對焦鏡頭,以及一粒補光燈,但我相信無幾多人會想用平板電腦的相機吧!

    雙卡、雙套、雙喇叭! 聯想 tab 4 8 PLUS 通話平板開箱
    ▲ 機身頂部有 USB Type C 接口,以及 3.5mm 耳機接口,這部 tab 4 8 PLUS 竟然支持 FM 收音機!

    雙卡、雙套、雙喇叭! 聯想 tab 4 8 PLUS 通話平板開箱
    ▲ 電源鍵也就是指紋感應器,與音量鍵同放在機身側面。 這個設計很差,一來平放桌面時難用指紋解鎖,二來帶上保護套後會減少手指跟感應器的接觸面積,最符合人性化的應該是正面! 而且這種二合一設計,讓電源鍵的壽命也令我擔憂。

    雙卡、雙套、雙喇叭! 聯想 tab 4 8 PLUS 通話平板開箱
    ▲ 卡槽位置採用塑膠卡扣設計,也就是用力一啪啪啪就打開了。這種方案同樣令人擔憂塑膠老化問題,我會盡量避免開合。 

    雙卡、雙套、雙喇叭! 聯想 tab 4 8 PLUS 通話平板開箱
    ▲ 常見的三選二方案,也就是「2 nano-SIM」或者「1 nano-SIM + 1 micro-SD」,我當然是選擇後者。值得稱讚的是,這個卡托竟然是金屬,金屬,金屬,比用塑膠卡托好太多!

    雙卡、雙套、雙喇叭! 聯想 tab 4 8 PLUS 通話平板開箱
    ▲ 虛擬三天王,有 App Drawer 的界面設計。但重點是邊框上的開孔,這就是前置雙喇叭,機身頂部也有開孔,立體聲看電影、聽歌配合杜比設定爽死了。

    雙卡、雙套、雙喇叭! 聯想 tab 4 8 PLUS 通話平板開箱
    ▲ 值得留意是,白色的 tab 4 8 PLUS 能看到這一條細細的黑邊框,我個人就不太介意。


    性能實測:輕度文書 + 影音播放
    如果你期望 tab 4 8 PLUS 性能超群,打機 AV 乜都得,咁可以翻出去先~ 規格上 tab 4 8 PLUS 採用高通八核心 S625 處理器,配合 4GB RAM 和 64GB ROM(最高支持 128GB microSD 卡),買翻黎更新 N 次後就行 Android 7.1.1 版。它擁有一塊 8 吋 1920x1200 IPS 屏幕,機身支持雙卡 LTE,亦可以使用免提通話(耳機 / 外放喇叭)。令人遺憾的是電量只有 4850mAh,雖然說 S625 憑著 14nm 工藝達成省電效果逆天,官方聲稱續航力達到 1.5 日,但我對後市依然睇淡,佢堅持到一日已經當佢贏。

    雙卡、雙套、雙喇叭! 聯想 tab 4 8 PLUS 通話平板開箱
    ▲ 令人驚喜是 tab 4 8 PLUS 系統的界面可以直接打橫,跟機預載 Microsoft 的文書五天王: Word、Excel、PowerPoint、OneNote 和 Outlook。

    雙卡、雙套、雙喇叭! 聯想 tab 4 8 PLUS 通話平板開箱 雙卡、雙套、雙喇叭! 聯想 tab 4 8 PLUS 通話平板開箱
    ▲ 安兔兔測試獲得 62996 分,就是 S625 一般水準;系統初始可用 RAM 有約 2GB,可用 ROM 空間約 49GB,系統唔算大食,畢竟「幾乎」跟足 Stock Android 系統。

    雙卡、雙套、雙喇叭! 聯想 tab 4 8 PLUS 通話平板開箱
    ▲ 圖像處理性能係 S625 的短板,Basemark ES 2.0 Taiji 得分只有 44.29 fps,玩大食 Games 就肯定 GG,但小遊戲、睇 AV 之類絕對沒有問題。

    雙卡、雙套、雙喇叭! 聯想 tab 4 8 PLUS 通話平板開箱
    ▲ 這部 tab 4 8 PLUS 很少垃圾預載應用,提醒一下是:值得注意是預載的「檔案管理器」需要強制打開一些無關的權限才能使用,還好我可以直接停用並改用其他管理器。(上圖是我已經停用 + 刪除一堆無用程式後的截圖)

    雙卡、雙套、雙喇叭! 聯想 tab 4 8 PLUS 通話平板開箱
    ▲ 這個「檔案管理器」原來也是鳳凰系統的公司出品,鳳凰系統類似大陸 RemixOS 這樣的第三方系統。

    雙卡、雙套、雙喇叭! 聯想 tab 4 8 PLUS 通話平板開箱
    ▲ 有了前置雙喇叭,必須配合杜比 ATMOS 程式,才能達致令人驚喜的絕佳效果。聲音大而響亮,沒有破音,立體感強烈,以平板電腦的外放喇叭來講,tab 4 8 Plus 絕對屬於最出色的一群!


    總結:開工又得、娛樂又得
    雖然話一分錢一分貨,tab 4 8 PLUS 卻明顯是交凸嗮功課。兩千三價位,我想不到有什麼比他更適合我:加一個藍牙鍵盤就開得工,合埋個鍵盤就睇得片,有人 Call 你又可以直接聽,8 吋芒輕巧機身確實無負擔。

    雙卡、雙套、雙喇叭! 聯想 tab 4 8 PLUS 通話平板開箱

    如果,下次係咖啡店見到一位俊男,架著一部白色 tab 4 8 PLUS,雙手十指在 Microsoft 防水藍牙鍵盤上飛舞,跟身邊的美女談笑風生,請你不要打擾他,將目光放遠少少,見唔見到 Bar 枱有條友一路飲果汁,一路 Kindle 睇小說? 果個先係我呀,我等緊你行過來吹 Tech 水喔~

    網友對此平板有什麼問題可以留言發問,如果有其他好選擇也歡迎一起分享交流~

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    熱門討論▼
  • 發表時間:2017-11-01 16:20 檢舉
    YKer說:
    老老實實,市面上要買功能多又齊全、價錢平又可靠的 Android 平板電腦真係數... 恕刪
    用左Sony z3 tablet 幾年,跌過幾十次,都仲OK.
    入左Huawei M3, + Yoga book LTE, 都好過呢部。
    10"少有廠出,反為有興趣。
     
    02樓 ▲TOP 回列表頁
  • 發表時間:2017-11-01 21:36 檢舉
    foofighter說:
    用左Sony z3 tablet 幾年,跌過幾十次,都仲OK.入左Huawei ... 恕刪
    M3 就唔多講喇,麒麟U完全無支援,我幾乎華板都玩過,華為 UI 和軟件支援係最差,更唔好講 XDA 支援。Yogabook LTE 我有玩過,翻廠幾次放棄了,屏幕觸控畫筆有問題,而且個鍵盤係廢,效率奇低,行 Intel U 反而 Android 好過 windows 版,痴線!

    10 吋我唔考慮喇,出街放唔到落袋,tab4 10 plus你可以去試玩,感覺都唔錯,只係大部唔方便出街。
     
    03樓 ▲TOP 回列表頁
  • 發表時間:2017-11-07 15:21 檢舉
    YKer說:
    老老實實,市面上要買功能多又齊全、價錢平又可靠的 Android 平板電腦真係數... 恕刪
    有點興趣,綠鋪即係乜嘢地方?
    04樓 ▲TOP 回列表頁