主題:防水、可通話 4G 千元平板!Alcatel POP 4 (7 吋) 開箱、相機、續航評測

ePrice HK
  • 發表時間:2016-12-30 22:34 收錄檢舉
    對上果次玩 Alcatel 平板,已經係講緊 Plus 10,老老實實果部 Plus 10 真係一部不錯的平板,用上去的感覺相比一般大陸平板要好得多,千幾蚊連埋 Keyboard,真係乜都值啦!最近再有一部 Alcatel 平板,吸引到版主的注意,戴定頭盔先,呢部平板規格一點也不強,不過勝在夠抵玩,建議零售價只需 $1299,可以平玩 4G 可通話平板,仲要有防水功能!講緊嘅係早兩日版主為大家介紹的 POP 4 (7),上手感覺、造工並不比市面其他平板差,所以版主急不及待想同大家分享一下。即刻送上呢部 Alcatel POP 4 (7) 的開箱評測及用後感,睇下文啦!

    防水、可通話 4G 千元平板!Alcatel POP 4 (7 吋) 開箱評測

    開箱!七吋千元平板,造工可以有幾好?
    一般來說,版主都係有果句講果句,係好我就會選,係唔好我就會彈,理得佢係乜嘢品牌。同部份網友不同的是,版主唔會考慮大陸唔大陸的問題,亦都唔會用都未用就亂鬧「電子垃圾」,反而比較重視實際使用的感覺。雖然 Alcatel POP 4 (7) 只係賣緊 $1299,但唔好睇佢咁平,其實造工一點也不差。POP 4 (7) 機身尺寸為 188.35 x 97.65 x 7.99mm,重量為 238g,用上了金屬材質,唔係 X 米果種「膠金屬」喎,而係有好似華為平板的質素。最重要係,POP 4 (7) 具備 IP52 防塵防水,當然啦,防水等級為 2,即係要浸水就無可能,但就接受到呈 15 °垂直角的水花直接噴射。

    防水、可通話 4G 千元平板!Alcatel POP 4 (7 吋) 開箱評測
    ▲ 雖然 Alcatel 仲有一部 7 吋平板叫 PIXI 4 (7),不過版主個人比較對 POP 4 (7) 有興趣。而真機到手,拎上手的感覺,並沒有讓版主失望。上圖為 POP 4 (7) 的包裝盒。

    防水、可通話 4G 千元平板!Alcatel POP 4 (7 吋) 開箱評測
    ▲ 包裝盒的側面,會有一些這部手機的基本資料,例如記憶體、儲存容量、相機解像度等等。

    防水、可通話 4G 千元平板!Alcatel POP 4 (7 吋) 開箱評測
    ▲ 開箱!打開包裝盒,見到大大部的 POP 4 (7)。

    防水、可通話 4G 千元平板!Alcatel POP 4 (7 吋) 開箱評測
    ▲ 跟機會有一張保護貼、火牛、USB 線、耳機以及 SIM 卡針。

    防水、可通話 4G 千元平板!Alcatel POP 4 (7 吋) 開箱評測
    ▲ 而火牛輸出功率有 5V/2A,即 10W。

    防水、可通話 4G 千元平板!Alcatel POP 4 (7 吋) 開箱評測
    ▲ POP 4 (7) 採用了 7 吋 IPS 16 萬色 720p 屏幕,雖然佢解像度只有 720p,不過 Alcatel 屏幕出名靚,所以望落去唔會好覺得佢係 720p。

    防水、可通話 4G 千元平板!Alcatel POP 4 (7 吋) 開箱評測
    ▲ 屏幕上方會有 800 萬像素前置鏡頭,已經係現時普遍高階手機的配置 (不過其實有伏點,版主稍後再講),而且仲有美顏功能,自拍應該不錯,等陣會試下。

    防水、可通話 4G 千元平板!Alcatel POP 4 (7 吋) 開箱評測
    ▲ 機背用上金屬材質,唔係 X 米果種「膠金屬」,拎上手係有類似華為的感覺。其實以 $1299 呢個價位有咁嘅質素,實在是無投訴。而金色版本會率先在香港開賣。

    防水、可通話 4G 千元平板!Alcatel POP 4 (7 吋) 開箱評測
    ▲ 機背上方會有 1300 萬像素主鏡頭(同樣有伏點,稍後再講),而機背接近中央位置,會有 Alcatel 的 Logo。

    防水、可通話 4G 千元平板!Alcatel POP 4 (7 吋) 開箱評測
    ▲ 機背下方係喇叭位置,呢點版主覺得有點奇怪,好少見喇叭會放機背,多數都係機底或者正面位置。

    防水、可通話 4G 千元平板!Alcatel POP 4 (7 吋) 開箱評測
    ▲ 右側會有開關鍵以及音量鍵。

    防水、可通話 4G 千元平板!Alcatel POP 4 (7 吋) 開箱評測
    ▲ 而左側則有 SIM 卡槽,同樣採用「三選二」弧寒式設計。

    防水、可通話 4G 千元平板!Alcatel POP 4 (7 吋) 開箱評測
    ▲ 機頂部份會有 3.5mm 耳機孔,耳機孔放在機頂的缺點是,當落雨的時候好容易會入水,就算部機有 IP52 防水,都幫佢唔到。

    防水、可通話 4G 千元平板!Alcatel POP 4 (7 吋) 開箱評測
    ▲ 而機底則有 microUSB 插槽。

    防水、可通話 4G 千元平板!Alcatel POP 4 (7 吋) 開箱評測
    ▲ 整體來說,在設計方面版主覺得呢部 POP 4 (7) 是在合格之上,唯獨條邊可以再幼一點,咁就會更好。

    配備 MTK MT8735B 處理器,實際使用流唔流暢呢?
    好多網友成日鬧呢部機,鬧果部機,講真,首先你要諗下,部機幾錢呀?Alcatel POP 4 (7) 建議零售價只係 $1299,出面細舖應該仲會再便宜一點,你可以有乜要求呢?基本操作正正常常,順暢,唔會慢得太過份,已經好好。Alcatel POP 4 (7) 配備了 MTK MT8735B 處理器,內置 2GB RAM 以及 16GB ROM,安兔兔跑分為 24475 分,分數係好低,但講到尾咪又係數字嚟啫,反正版主親身使用過,其實整體系統都算順,至少已經比之前介紹過 6 吋果部 PIXI 4 快,唯獨有時轉畫面例如開 Messenger 果陣,可能會有少許窒機,但影響並不太大。

    防水、可通話 4G 千元平板!Alcatel POP 4 (7 吋) 開箱評測
    ▲ 安兔兔跑分為 24475 分,成績確實係比較低。


    ▲ 基本操作如用 Chrome 瀏覽器上網,都算做順暢,唔會特別太窒。而整體系統的順暢度,當然就不及現有旗艦手機,間唔中會有點慢,但尚算在接受範圍之內。

    千元價錢,有 1300 萬 + 800 萬像素相機?質素如何?
    有留意版主講都知道,呢部 Alcatel POP 4 (7) 配備了 1300 萬像素主鏡頭以及 800 萬像素前置鏡頭,但版主剛才明明話,有伏點,到底係甚麼伏呢?經了解,其實 POP 4 (7) 本身只有 800 萬像素 + 500 萬像素,不過透過 Alcatel 的 Imaging 技術,將相片質素推高。但經軟件推高畫質,又會否真的能夠做到一般 1300 萬鏡頭的質素呢?版主就用呢部手機,影了幾張試相,睇下大家覺得如何,以呢個價位來說,又滿唔滿意呢?

    防水、可通話 4G 千元平板!Alcatel POP 4 (7 吋) 開箱評測  防水、可通話 4G 千元平板!Alcatel POP 4 (7 吋) 開箱評測

    防水、可通話 4G 千元平板!Alcatel POP 4 (7 吋) 開箱評測  防水、可通話 4G 千元平板!Alcatel POP 4 (7 吋) 開箱評測

    防水、可通話 4G 千元平板!Alcatel POP 4 (7 吋) 開箱評測  防水、可通話 4G 千元平板!Alcatel POP 4 (7 吋) 開箱評測


    防水、可通話 4G 千元平板!Alcatel POP 4 (7 吋) 開箱評測  
    ▲ 值得一提的是,Alcatel 屏幕一向出名靚,所以喺電話上睇,感覺真係唔算差。

    防水、可通話 4G 千元平板!Alcatel POP 4 (7 吋) 開箱評測
    ▲ 另外,Alcatel POP 4 (7) 亦具有美顏功能,對於喜歡自拍的網友來說,可能會比較喜歡呢個功能。

    Alcatel POP 4 (7) 喇叭測試
    雖然喇叭部分,並非 Alcatel POP 4 的賣點,但實際上如果你想用來睇片、聽歌,其實喇叭都相當重要,所以版主都順便試埋音樂播放。剛才提過,POP 4 (7) 喇叭位置好奇怪,並非如一般手機咁,設於機底位置,而是放左喺機背,對播放聲效有無影響呢?版主在 YouTube 揀了一首歌來播放,老實講聲音推力不夠,即使已經開到最大聲,亦都稍嫌不足。而如果你將平板平放桌上,你需要機背向上,先至會大聲一點,但如果你睇片果陣,會俾版主感覺,啲聲音有點遠,而且欠缺了立體感。



    四千大電,係咪代表續航能力一定強?試過就知!
    電量係 Alcatel POP 4 (7) 其中一個賣點,千幾蚊有四千大電,都算是幾不錯。不過,大電並不一定代表,續航能力一定夠強,所以版主都就續航能力方面,同大家做個測試。成績如何呢?

    測試條件:先將電池充滿,亮度調至最光,而音量則約 75%,並連上 Wi-Fi。然後測試播 720p YouTube 影片半小時,看看用了多少電,藉此估算 4000mAh 大電能夠連續播放影片約多久時間。

    防水、可通話 4G 千元平板!Alcatel POP 4 (7 吋) 開箱評測  防水、可通話 4G 千元平板!Alcatel POP 4 (7 吋) 開箱評測
    ▲ 播放 720p 影片半小時後,電量由 100% 降至 91%,即大約用了 360mAh 電。由此推算,四千大電的 POP 4 (7),大約可以連續播放 720p 影片約 11 小時 6 分鐘。

    小結
    當然,如果光看 Spec,呢部 Alcatel POP 4 (7) 放在今日來說,確實是不合格。不過版主成日都話,「百貨應百客」,呢部機總會有它的市場價值。一千鬆啲貨仔,買部 7 吋平板,造工好之餘,仲有得打電話,當係睇片專機又得,直澄當佢係後備機都得,唯一缺點係,喇叭方面推力並不足夠,比較細聲,而且聲音聽起來會稍嫌不夠立體。但佢有 4000mAh 大電,連續睇片可以睇到大約超過 11 小時,其實如果平時使用唔打機的話,都應該足夠一整天的使用。不知網友又覺得呢部 Alcatel POP 4 (7) 如何呢?

     

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    熱門討論▼
  • 發表時間:2017-01-09 00:14 檢舉
    有沒有VOLTE????
    02樓 ▲TOP 回列表頁