Win 10 / Android 雙版本!小米平板 2 價錢最平千元有找!

Lawrence 2015-11-24 15:12 | 小米
之前都同大家提過小米會係今日搞發新品發佈會,事前官方亦已經「自爆」除左新機紅米 Note 3 之外,仲會多一部新一代的小米平板。其實上一代小米平板雖然遲左好多先到港開賣,而且只得 16GB 內置容量版本(雖然支援插卡),但因為前排減完價只係需要 $1299 ,所以據聞仍然係幾受歡迎的。新一代的小米平板 2 到底又會唔會有呢種吸引力呢?要睇睇了。

//timgm.eprice.com.hk/hk/pad/img/2015-11/24/68166/lawrencelaw_1_4635_5940e9f670a91fd50ed93287b9b97411.jpg

改用 Intel 處理器, 小米平板 2 有雙版本!

係發佈會之前,小米總裁林斌就係微博上發佈左一張疑似是小米平板 2 的官方宣傳圖,可以見到小米平板 2 同前代相比最大的不同就係在機身上都用上左金屬材質,跟同樣發佈的紅米 Note 3 一樣。係今次發佈會上面,雷軍提到今次小米平板 2 係外型上一大賣點係全金屬機身,而且係厚度以及重量上面比起上一代都更進一步,只係 6.95mm ,比起上一代的 8.5mm 薄左 18% ,而係重量上就由 360g 減到只有 322g ,比上一代輕左 38g 。而係顏色方面就有金色以及銀色,官方稱之為「香檳金」以及「太空銀」⋯⋯

//timgm.eprice.com.hk/hk/pad/img/2015-11/24/68166/lawrencelaw_1_4635_6b5ba91d1f8b14e991c586eb0519aca7.jpg
係顏色上小米平板 2 有兩色可選。

//timgm.eprice.com.hk/hk/pad/img/2015-11/24/68166/lawrencelaw_1_4635_40020a5cb932540bb536947d7288ec35.jpg
▲重量同厚度都係新機重點,可以見到小米平板 2 比上一代輕 38g


小米平板 2 電量比起上一代更少

係硬件規格上面,一如之前所料,小米平板 2 係用左 Intel X5-Z8500 2.24GHz 處理器,賣點係 14nm 製程以及其 Intel HD Graphics 圖像處理器,再配上 2GB RAM 以及跟上一代一樣有 16GB 以及 64GB 可選。比較令人擔心係,之前有消息指出小米改用左 Intel 處理器後,係 Geekbench 的效能測試上比起上一代竟然仲差!呢點可能就要到小米平板 2 有實機到手後先可以試到了。

係屏幕方面,今次小米平板 2 同上一代一樣,係屏幕上同上一代一樣係 7.9 吋 2048 x 1536 解像度,小米今次更強調係用左 Sharp 的屏幕。係相機方面就係 500 萬像素前鏡頭配 800 萬像素主鏡頭。電池方面都值得大家注意,因為上一代小米平板係有 6700mAh 電量,可能因為想做到更輕薄的關係,小米平板 2 係電量上只有 6190mAh ,比起上一代明顯較少。

//timgm.eprice.com.hk/hk/pad/img/2015-11/24/68166/lawrencelaw_1_4635_4a24b69172afa31d8003b11fff8c26dd.jpg
▲ 硬件同早前外界所估計的一樣,效能會係點可能要有實機先知了。

//timgm.eprice.com.hk/hk/pad/img/2015-11/24/68166/lawrencelaw_1_4635_cf7a1fffa0b3f6515aa76838ad295cb4.jpg
▲ 電量上比起上一代其實係少左,但係支持快速充電。

最後,今次小米平板 2 可能係最大的賣點,可能係價錢。因為新發佈的小米平板 2 價錢上其實係比上一代發佈時的價錢相比係平左的, 16GB 版本只係 999 人仔,而 64GB 版本都只係 1299 人仔。另外,係發佈會前一直有傳小米會推出雙系統平板,今次小米發佈會都比到答案了。小米確實係有 Windows 10 版本的 64GB 小米平板,而且價錢一樣係 1299 人仔,但就要係 12 月先會推出,亦不是雙系統,只係得 Win 10 。應該好多朋友都會好想知小米平板 2 幾時會係香港賣,因為以往小米比人的印象都係將發佈左好一段時間的產品掉來香港作散貨場,但現時小米 HK 商店已經無得賣小米平板第 1 代了,會否係為新機的到來做準備呢?大家都講講啦!icon

//timgm.eprice.com.hk/hk/pad/img/2015-11/24/68166/lawrencelaw_3_4635_303fb86ac9a1549b8fec5a6ee62c4c87.jpg
▲ 小米平板 2 16GB 版本價錢係 999 人仔,但 Win 10 版本因為內置容量為 64GB ,所以價錢係 1299 。

在文章發佈時,小米平板 2 開賣日期未定,按此看平板詳細規格及最新賣價

紅米 Note 3、小米平板 2 相關連結
樣靚、高效集於一身! 千元旗艦紅米 Note 3 真機圖賞!
紅米 Note 3 四大驚喜! 千元手機今日現身!
金屬機身 + 指紋辨識 + 高性價比紅米 Note 3 即日發招? 小米發佈會直擊!
超薄全金屬機身,但規格不如前代?小米平板 2 實機齊齊睇
Win 10 / Android 雙版本!小米平板 2 價錢最平千元有找!

最新新聞