Sony 新無反黑科技? 一億五千萬感光元件加持!

左定坤 (Cho Ting Kwan) 2016-04-19 20:31 | Sony
仲記唔記得前排瑞典品牌 Hasselblad (簡稱哈蘇) 發表的高階模組式中片幅相機 H6D-100c? 無錯,呢部相機最值得注意的地方,在於佢配備了 1 億像素的 CMOS 感光元件,除左超高像素,H6D-100c 仲可以拍攝 RAW 的 4K 影片,具有 60 分鐘至 1/2000 秒的快門,ISO 達 12800。無人諗過,一個連續三年被相機網站 Photo Rumors 網民評為最差相機品牌的哈蘇,能夠製作出規格如此旗艦的相機。以為 1 億像素已是極限? 未必。近日有傳聞指出,Sony 將會推出一部擁有更高像素的相機,到底可以去到幾盡? 一齊睇睇!

//timgm.eprice.com.hk/hk/dc/img/2016-04/19/25582/prince1025_1_1433_9a7bdb16c4b5469deaf8ab5a7e918ec7.jpg

無錯,版主講緊的呢部 Sony 相機,正是無反相機 A9。根據 SonyAlphaRumors 的最新消息,呢部 A9 有傳會配備變態級的一億五千萬像素全片幅傳感器,實在是太誇張了! 而更值得一提的消息是,Sony A9 更傳具備「低解像度」模式,在這個模式下,相機可以將 4 個像素合併為 1 個像素,將影像質素壓縮至 3700 萬像素,同時換取更多的感光度以及動態範圍。

以上的消息是來自一個匿名的消息來源,到底呢個傳聞會唔會成真,暫時未能確定。事實上,Sony 早前已經推出一款 1 億萬像素的中片幅傳感器,所以即便 Sony 今次會推出一億五千萬像素的相機,亦都未必會係無可能的事。不過就算 A9 真係咁勁都好,相信網友最關注的,都會是售價的問題。哈蘇 H6D-100c 1 億萬像素賣 28,900 歐元 (折合港幣約 HK$25.6 萬),被網友怨罵只有土豪先買得起,咁 Sony A9 應該咩價位先叫合理呢?

來源:SonyAlphaRumors

最新新聞