▲全港百老匯的 500D 雖未減到鐳射 $5,980 咁勁,但唔使講價都可用 $6,080 至 $6,280 買到。
Canon EOS 500D 長時間高據 DC 點閱榜首位,證明真係好多人想買,其實現在的確係入手時機,事關最多人選擇的 18-55mm 鏡頭 Kit 裝,近日俾好多舖頭劈到 $6,000 樓下,認真筍!
其實 500D 18-55mm Kit 的官方定價仲係 $6,880,上個月不論大舖細舖,現金價都只做到 $6,000 頭。但一到 8 月,開始有 DC 舖突破性賣平過 $6,000 大關,搞到連大電器舖都要跟,就好似旺角的鐳射,都賣到 $5,980,平了 $900,但仍送齊 4GB SDHC、代用電、相機袋、腳架等贈品。雖然都有細舖平過佢一百幾十,但就乜都冇得送,計番條數都係唔夠佢抵。
同區其他電器舖,講下價都可能 $6,080 有交易,都係送齊贈品,今鋪去大舖買仲好過去細舖,除非你同舖頭老闆勁熟,拗到個超靚友情價啦。不過,最慘都係批 500D Body,被來貨價所限,劈極都要 $5,380,只平過 18-55mm Kit $600,仲邊會有人買呀?
▲星際城市「肥花」的 500D,你牙力夠的話,想用 $5,980 買都唔係冇可能。
▲500D Body 定價係 $6,080,減了幾百後,吸引力仍不及 18-55mm Kit 裝。