日本東京都警方旗下的災難應變小組，早前向民眾講述一啲地震或天災後的自救資訊，其中一項就係用室溫的水「淥」杯麵。一般情況下，我哋只要將熱水倒入杯麵，再等 3 分鐘就食得，不過喺地震或天災發生時，你未必搵到熱水，原來只要用室溫的水浸杯麵 15 分鐘，同樣可以令杯麵變軟。跳轉話你知碗裝烏冬又點食法。
[SEP]
網站 Rocketnews24 睇完警方的建議，決定嘗試用室溫的水去浸麵身較粗嘅碗裝烏冬，打開碗麵後注入室溫的水，然後等待 40 分鐘，結果烏冬變軟但有咬口，附上的豆腐乾完全濕透，變得柔軟又好味，唯一唔習慣可能係打開杯麵一剎那冇煙冒出。
香港好少停水停電，不過假如你咁唔好彩，遇到天災或突發事件，甚至懶到出汁唔想煲水或用微波爐，原來只要有水就毋須硬啃杯麵。
資料來源：rocketnews24