百佳買腸仔罐頭空空如也,原來未算最慘
|
聲音內容
細個去學校秋季旅行,好多人鍾意整菠蘿腸仔,買兩罐罐頭就可以搞掂的確方便又好味。不過你有冇試過,打開罐頭裡面乜都冇呢?最近有網民喺 FB 伸冤,話喺百佳買咗罐三花牌腸仔罐頭,打開裡面只得鹽水,一條腸仔都冇。唔通工廠裡面有人太肚餓?忍唔住偷偷食咗。原來打開罐頭冇腸仔未算最慘,網民嘅回應更加頂癮!跳轉講你知。
[SEP]
喺呢個 Post 下邊,有網民留言話自己舅父食禾買罐頭鮑魚,點知返到屋企打開發現乜都冇,只係得啲水。佢走返去舖頭要求更換,對方梗係話冇得換啦!其實冇咗隻鮑魚已經好黑仔好慘,更慘嘅係佢屋企人笑咗佢幾年。
資料來源:FB ~~愛煮, 愛分享~~