• 買新車燒香拜神求平安,點知車頭著晒火
    買新車燒香拜神求平安,點知車頭著晒火
    原來大陸同台灣嘅車主都有新車落地先拜神嘅習慣,有時候買咗二手車亦會先拜神祈福,祈求去除上手車主的霉運。最近大陸江蘇省一名車主,買咗部全新的 BMW 房車,於是準備香燭祭品喺停車場燒香拜神祈福求平安,點知竟然燒著咗新車,車頭同前座被燒到嚴重變形。跳轉話你知更多。


    買新車燒香拜神求平安,點知車頭著晒火 買新車燒香拜神求平安,點知車頭著晒火

    事發地點係揚州市江都區,當時車主喺新車旁邊拜神,結果儀式未完,部車就先行著火,濃煙幾乎掩蓋整部車,等到消防員到場時,車頭就已經燒到嚴重損毀變形。事件的相片喺微博流傳,有口賤嘅網民忍唔住回應「還燒了真的 BMW 給菩薩啊」、「佛祖收到了」、「別人燒紙車,車主燒真車,果然有錢就是任性」、「菩薩知道車主會出事,所以提前將車收了」。

    網友買新車或者二手車時,有冇唸經作法或者拜神祈禱灑聖水,祈求出入平安呢?

    資料來源:ettoday
    • 2018-06-13
    • 暱稱:虎仔
    • 文章分類:網上奇趣
    • 閱讀 6399 次
    • 1篇討論