好多港爸港媽都強迫小朋友學嘢，搞到佢哋除咗返學做功課，仲有大量學術同興趣班要兼顧，呢班怪獸家長口口聲聲話興趣要自小培養喎！估唔到喺動物界，同樣事情都會發生，早前一名攝影師 Vorster 喺非洲博茨瓦納拍攝野外生態時，佢部相機就俾一隻獅子媽媽叼走咗。跳轉有片睇。
[SEP]
Vorster 當時用佢部 Canon 7D DSLR，連同一支 Canon 100-400mm 鏡頭拍攝，不過佢唔小心將部相機跌咗喺地下。非常警惕嘅獅子媽媽於是趨前，嚇到 Vorster 同佢嘅助理需要撤退到四驅車。於是獅子媽媽就將相機叼走，仲咬住帶返去俾幾隻小獅子當玩具。
幸好小獅子玩咗一陣就玩厭咗，最後 Vorster 攞返部相機，發覺相機同鏡頭都正常運作，雖然變得好污糟，鏡頭亦有獅子媽媽嘅咬痕。不過 Vorster 決定唔更換咬花咗嘅鏡頭，因為係一個野生動物攝影師難能可貴嘅紀念品。
資料來源：petapixel