Freet Samurai 極 詳細規格
屏幕: 6 吋 2560×1440 屏幕處理器 :MTK Helio x10 八核心 2.0GHz 處理器
RAM:3GB
內置容量: 32GB (支援最大 128GB microSD 記憶卡)
鏡頭:2100 萬像素主鏡頭、800 萬像素前鏡頭( 主鏡頭 f.2.2 光圈、支援 0.1 秒對焦)
電池量: 3400 mAh (內置式)
尺寸 : 159.5 x 82.9 x 8.9
重量 : 182g
售價:$3980
「血統不純正」的日系巨芒機 Samurai 極,同一般日系機有甚麼不同?
大家見到 Samurai 極的外形,第一時間應該會有點遲疑,點解以往大家見慣的日系機特色都不能從 Samurai 極 身上搵到,反而有點似華為 Mate 系列手機?嚴格來講,其實呢部的確唔完全算得上一部日系機,除左手機一樣係 Made in China (但因為 Freetel 係日本 MVNO 電訊商,所以外號就會叫 「Made By Japan」)。而且係規格上, Samurai 極 係處理器上都係用左 MTK Helio X10 配 3GB RAM 以及 32GB 內置容量,並非日系機慣常的 Qualcomm 處理器。不過相機都有 Sony 的 2100 萬像素主鏡頭配 800 萬像素前鏡,以及 3400mAh 電池。係外型同造工兩方面,因為 Samurai 極 都係「大陸味重於日系味」,跟傳統日系機相比難免被比下去,好似手機屏幕邊框以日系機標準面言,仍略嫌未夠窄。另外手機的手屬邊框太重 Galaxy Note 4 味道了。而係黑色機背係質感上有點近似 OnePlus 2 ,跟價位相近但造工都係一流的 Galaxy A9 或者係 Mate 8 相比,或會有點輸蝕。當然, Samurai 極 都唔係無可取之處,外型上呢部 6 吋大芒機勝在感覺沉穩低調。 Galaxy A9 問題版主都提過,顏色上偏向女性化,而 Mate 8 係高配版上面只係得兩隻金色揀(摩卡金同香檳金都係金色啊)。 Samurai 極 的黑色可能比較啱男性用家心水。
上面就提左 Samurai 極 因為唔完全係一部日系機,但其實呢一點又唔係完全負面的。對比一般日系手機,Samurai 極 有兩項相當重要的優點,第一就係對於香港 4G FDD LTE 有更完善的支援,除左 1800 之外 2600 一樣收到。當中原因係 Freetel 推出的手機同較為「自閉」的日系機不同,除左沒有 SIM 卡鎖之外,SAMURAI 系列(包括 極 同埋 雅)更會嘗試搶攻海外市場。另外係介面方面,話明會搶攻海外市場,手機系統本身當然會有多國語言選擇,一般日系機沒有的繁體中文系統介面 Samurai 極 就會有啦!
▲ 唔似得一般手機,Samurai 極 的包裝盒相當有型,同手機 Wallpaper 都係襯到一絕。
▲ 跟機配件唔多,得一條 USB 線同充電器。另外係充電器上都可以見到 Made In China 字樣。
▲先來個正面,雖然機面細看會有暗花紋,但整體設計上都算簡約。
▲ 機背質感其實有點似 OnePlus 2 ,不過就無 OnePlus 2 咁刮手。
▲指紋掃描器係正相機鏡頭下方。
▲機背底部有 Freetel 個 Logo ,另外,係機底除左有 Micro USB 插口外仲有兩個喇叭。
▲ 從呢個角度睇,邊框係咪有點似 Note 4 呢?
▲Samurai 極 係支援雙卡的,所以有兩個擠糟,而機身右側就有電源鍵同音量鍵。
▲雖然話係雙 SIM 卡,但其實 Samurai 極 係用左大陸機常用的 SIM 卡以及 SD 卡共用設計, SIM 2 插槽係 Nano SIM 同 SIM 卡兩個只能活一個。
2K 解像度 6 吋大芒,有好有唔好
上述提及過的 6 吋巨芒手機 Galaxy A9 同埋 Mate 8 都有一個共通點,就係只有 FHD 解像度。之前有唔少網友提到,屏幕呎吋都去到 6 吋,只得 FHD 解像度唔太夠。 Samurai 極 相比之下,用上 2K 解像度確係會有優勢的,版主試用時都覺得細緻度幾唔錯,要挑剔的地方就係光亮度方面唔太足夠。另外,因為 Freetel 所用的處理器為 MTK 的 Helio X10 ,依個人以往的使用體驗, X10 要推 2K 芒其實係有點吃力,呢個問題值得留意。版主初步試用時,就覺得 Samurai 極 操作上都算幾順暢,可能同手機用返 Google 原生版面有關吧。▲上到 2K 解像度, Samurai 極 細緻度不俗。
▲ 係低角度之下,屏幕亮度都有所影響。
跑分成績屬於合格水平,但不算很突出
係跑分方面,Samurai 極 跟其他用上 Helio X10 處理器的手機差不多,中規中矩唔算突出。係安兔兔跑分上面差過用 S808 的 LG G4 但就好過同樣係用 Helio X10 的 Le 1s 。而係 Vellamo 方面,成績跟同樣係 2K 解像度以及用上 Helio X10 的 HTC One M9+ 比較,成績都好相近。另外,以 Samurai 極 的規格,係 Basemark 2.0 上面有 53.58 呢個表現,算係唔錯。▲安兔兔成績為 55860 ,以 Helio X10 處理器而言算係出色,比起 5 萬分不到的紅米 Note 3 雙網通版更好!
▲係 Vellamo 方面,Samurai 極 同一樣係 2K 解像度的 HTC One M9+ 差不多。
▲ Helio X10 處理器一大缺點就係 GPU 偏弱,所以 Basemark 2.0 上有 53.58fps 已經算唔錯了。