S820 旗艦鬥平價！最平千五有找，你肯唔肯 help？
不少人看到「平」字，就會雙眼發光，所以版主會講左千元 S820 手機的選擇先。對於不少網友來說，雖然 S820 這粒 U，已經是過氣的 U，不過無論幾 out 都好，要去到千元價位，亦都有點難度。真係可以做到咁平價，基本上間公司都唔方賺到幾多錢，係呀，講緊嘅係樂視 Le Max 2 囉，賺到錢就唔會搞到近日負面新聞連連啦！版主行場時更聽到有細舖講起，聞說樂視有賣盤的打算。係真定假，就算樂視話假，你都不能盡信，但佢嘅手機近日減價，卻是不變的事實。6GB + 64GB 版本的 LeMax 2 減得唔多，只係減左一百，最新水貨價為 $2180，但 4GB + 32GB 版本則一減減左 $300 之多，最新賣價只需 $1480，千五有找！呢個價錢，應該可以平絕市面上其他的 S820 手機，網友會唔會願意順便 Help 埋呢間公司呢？
▲ 雖然上圖無顯示到，不過版主問過，4GB + 32GB 版本仲有貨，最新水貨價為 $1480，千五有找，你敢唔敢買？
▲ 差不多價錢的 S820 旗艦，仲有上代的小米 5，有 32GB、64GB、128GB 三個版本，最平 $1780，如果要平價，你會揀樂視定小米？
日韓型格手機，你最鍾意邊部？平價 VS 型格，你會傾向......？
版主雖然唔係成日介紹日韓手機，不過通常介紹得嘅，都有佢嘅特色。記得我哋之前曾經有介紹過好似 Sharp P1、Pentech Sky IM-100 等等，當中的 P1 就可以係 Sony XZ 以外的另類選擇，配備 S820 + 3GB RAM + 32GB ROM，現時水貨價企硬 $4980。至於 Pentech Sky IM-100，就真係好正，特點係會送外置藍牙音箱，而且個樣都非常型仔，最重要係，而家賣到 $1980 咋！二千蚊有找，不過唔係旗艦級，只係 S430，但應該都能夠同 Nokia 6 有一拼之力吧？
而今日 (20/1) 再有一部全新日系機登錄旺角先達，佢就係 Star Wars 手機，係出自 Sharp 的產品。不過，呢部機講到尾，其實咪又係 P1 的特別版而已，但整體視覺感覺上，版主覺得呢部 Star Wars 特別版手機比之前的靚好多！唔知你認唔認同呢？呢部 Star Wars 特別版手機第一水賣價約 $68XX / $69XX 左右，暫時只有白色版本，黑色版本仲要再等下。貴就係貴左啲，不過撇除價錢不說，唔知網友對呢部 Star Wars 手機有乜看法呢？
▲ 正面睇無乜特別。
▲ 背面採用了類似小米 5 果種陶瓷材質，下方會清楚見到 STAR WARS 的圖標。
▲ 側面下方位置係會着燈架！望落真係好鬼型仔！
▲ 入面成個界面都充滿星戰的味道。
▲ 隨機仲會附送一套星戰的公仔，係限量品 (非賣品) 黎架！
▲ 想搵 S820 手機，但又唔想要小米 / 樂視，平價手機仲可以考慮呢部水貨的 G5，最新賣價只需 $2580，你又會點揀呢？
LeEco Le Max 2 在文章發表時，大舖賣價為 $3199，按這裡有詳細規格及最新賣價。
小米 5 在文章發表時，行貨賣價為 $2399，按這裡有詳細規格及最新賣價。
LG G5 在文章發表時，大舖賣價為 $3698，按這裡有詳細規格及最新賣價。