Blackphone 2 要來港了!主打安全性強
係講今次的主角 Blackphone 2 之前都要介紹下其來頭, Blackphone 的開發團隊 Silent Circle 原是一間瑞士加密通訊系統公司,係 13 年不再於加密電郵方面發展後就走向手機方面發長了。係 14 年的時候 Silent Circle 已經推出過 Blackphone 第一代,推出目的是帶來更高的安全性以及針對企業及政府對個人資料過量的收集。來到今年就順理成章有第二代的出現。係硬件方面 Blackphone 2 有 5.5 吋 FHD 芒,處理器為 Qualcomm S615 配 3GB RAM 以及 32GB 內置容量,相機主鏡頭為 1300 萬像素以及 3060mAh 電池。可以見到講到尾 Blackphone 2 都係一部 Android 手機,而所用的系統為 Android 5.1.1 。如此平平無奇的規格可能大家都不會感興趣,但 Blackphone 的重點是其 Silent OS 。根據 Silent Circle 的介紹, Blackphone 2 內置的安全中心除左有遠程消除設置呢類基本功能外,更可以控制用調整到應用權限。另外因為 Blackphone 2 始終係針對商務用家而推出,所以主打的 Spaces 就係為用家提供的分享重要商業數據、個人信息的安全環境。最後,呢部機主打的賣點就係 Silent Phone ,近似於 BBM ,提供了安全加密通話、短訊以至文件傳輸的軟件。
係價錢方面才是重點, Blackphone 2 作為主打安全性以及商務用家,當然定價唔簡單了,係美國 Blackphone 2 的定價為 799 美金,大約為 $6192 港幣。可以見到來到香港時定價都不會很便宣,同 BlackBerry 早前發佈的 Priv 相比,不知大家對邊部機更有興趣呢?留言講講吧!