主題:csl. 殺漫遊儲值卡對手!全球路路通 翻牆中國大陸上網平過 CMHK!

ePrice HK
  • 發表時間:2018-10-22 22:04 收錄檢舉
    好古怪,好古怪!csl. 帶頭加無限上網月費,全速、21Mbps 都照加!但係外遊上網數據卡同代理合作出必殺招!有大大個 csl. Logo 加持嘅「全球路路通」亞洲漫遊儲值卡,將一向好平嘅泰國 AIS Sim2Fly 變得好唔親切;呢個價,仲將一向專賣中國翻牆卡嘅 CMHK 都變得唔抵用!真係咁勁?

    csl. 殺漫遊儲值卡對手!全球路路通 翻牆中國大陸上網平過 CMHK!

    hemat 、紅黃綠藍萬主人推新漫遊卡
    呢張有 csl. logo 嘅「全球路路通」你 唔會 係 csl. 門市、7-11 或 OK 便利店揾到。相反,係街邊賣 SIM 嘅地方或者雜貨店、報攤就揾到!點解?因為有代理跟 csl 傾番來嘅 Deal。呢間代理,你睇得多 ePrice 嘅平價 SIM 卡介紹,你一定知,就係印庸卡 hemat  與 3HK 國際萬能年卡 (紅、黃、綠、藍、紫萬年卡) 出品公司「手提電話直銷中心」,其母公司最近係香港主板上市嘅 1723 港亞控股。
     

    csl 代理,非 MVNO

    呢間公司出嘅卡,跟其他要攞 MVNO 牌嘅 Happy Telecom、或者已倒閉嘅 Lycamobile HK 等等唔同,係可以掛正網絡宿主品牌賣卡,以呢張「全球路路通」為例,大大隻字寫住 Powered by csl,感覺係 Pro 嘅。

    講番張卡,呢張「全球路路通」其實係亞洲版,提供 8 日日本、南韓、泰國、新加坡、馬來西亞、中國大陸、台灣及澳門共用 5GB  4G LTE 上網數據,另加送 1GB 香港數據,即係係香港出發前已可以換定 SIM 卡,飛機到著目的地,你未落地,已可開著手機上網。

    而售價仲要只係 $80

    csl. 殺漫遊儲值卡對手!全球路路通 翻牆中國大陸上網平過 CMHK!

    $80 呢個價,抵唔抵?

    001-比價 AIS Sim2Fly,深水埗 SIM 檔價約 $80 - $85,其他地區可以貴至 $90 - $100,網店由 $88 起至 $118。包 8 日 4GB 之後 128kbps 數據。SIM2Fly 行泰國 IP,Ping 高加上會睇唔到部份香港電視台嘅視頻直播與重温。而呢張「全球路路通」有 5GB,仲係行 Hong Kong IP,咁就乜香港出品視頻都睇到啦。

    002-csl 自己有一張類似嘅外遊上網卡,同樣是 8 日 5GB 共用數據,再加 1GB 香港使用,但地區上,居然唔包中國大陸與日本,換來了菲律賓,最攪笑係,csl 官網賣緊 $238,呢張卡,五個字形容:豪無吸引力。
     
     003 - csl. 「全球路路通」最吸引是包括了八日 5GB 中國大陸數據。由於是香港漫遊卡,所以呢 5GB 絕對可以翻牆,睇 Facebook,用 WhatsApp,狂睇蘋果動,全部無問題。而 csl. 漫遊拍檔是中國聯通,只要你部手機行到 1800 頻段 4G 都可以接通,唔似 CMHK 一定要睇下部手機,係咪支援 TD-LTE 先知用唔用得到咁麻煩。咁 $80 又平過 CMHK 嗎?CMHK 官網有一張大灣區10日儲值卡比較近磅,10 日有效期但得 2GB 數據可用,比起「全球路路通」的 5GB 少好多!呢張 CMHK 卡官網賣 $118,而深水埗 SIM  檔都要 $100。咁呢張「全球路路通」係咪立即秒殺咗 CMHK? 又係喎!


    csl. 殺漫遊儲值卡對手!全球路路通 翻牆中國大陸上網平過 CMHK!

    更多參考:
    csl. 借外傭 Hemat 卡推 $56 無限上網!挑萬年卡 抽卡巴仁  
    CMHK Kabayan 卡巴仁新玩法!$55 高速 4G 無限上網
    衝擊 CMHK 大灣區 SIM 卡地位!AIS Sim2Fly 變中國雙網翻牆卡!​
    多謝支持 ePrice.HK

    立即加入Facebook 專頁,新聞/消息/優惠,最快知。

    01樓 ▲TOP 回列表頁