堅 .  真!Sun Mobile 無限上網取消!續約寬限期到月底

Keith Yim 2018-11-14 16:45 | Csl
之前版主阿坤同大家分享過, Sun Mobile 會係十一月初加價,其 $138 / 21Mbps 速度無限上網會玩完。有網友係對面電訊討論區,大鬧我哋作新聞。老老實實, ePrice.HK  爆料,無十足都有九成,Sun Mobile 高速無限上網未玩完,只係時晨未到。版主  Keith 今日同大家講: Sun Mobile 呢個無限上網計劃,堅玩完!最後今天,十一月十四日,即文章發表後嘅第二日,加價!

sun-fb.jpg

雖然,早前我哋透露過  Sun Mobile 會取消  21Mbps 速度無限上網計劃,但最後沒有發生,但有留意  Sun Mobile  門市嘅網友,都會見到佢地無再推呢個 Plan,同以往大大力咁賣,好唔同。不到半個月,時機到了,今日內部出 MEMO,聽日就 CUT ,即 11 月 14  日。

玩完計劃: 盡情玩  4G 數據計劃

$138 /月 (連行政費及用 TapNGo 交台費嘅扣減) ,有 3000 分鐘本地通話時間連免費  csl WiFI ,首 5GB 數據量速度為 21M 速度,當服務計劃內的首 5GB 耗盡後,可繼續使用流動數據服務而最高下載速度為21Mbps。然而,你所享用的網絡資源將因應網絡情況而分配會較少。

11 月 14 日起,新版盡情玩  4G 數據計劃

$138/月 (連行政費) ,有 3000 分鐘本地通話時間連免費  csl WiFI ,首 10GB 數據量速度為 21M 速度,其後用量:流動數據網絡規格將會被降至上限128kbps,你可以用 $15 / GB 方式,Top Up 21Mbps 速度數據。

簡單來講,加價。而本來每月額外加錢變無限上網嘅「數據寶」數據組合,亦同時玩完。 

Sun Mobile 再不提供高速無限上網!


舊客點算:

001:用緊本來 21Mbps 速度盡情玩  4G 數據計劃嘅用家,在合約期內,不受影響

002:續約客,可在11月底前申請續約,亦可繼續有  $138 21Mbps 無限上網嘅計劃選擇

簡單來講:舊客無影響,要續約要快。若你仲想玩到呢個 Plan,今日係最後機會!
最後講句:信者得救,信唔信,網友自己話事,話唔定今晚  3  仔睇完 ePrice  文,明天再力推  21Mbps 無限上網,  Sun Mobile  迫住改,都唔出奇。老老實實,作大有乜好?有奇蹟發生,唔好咩?

最新新聞