csl + HKT 專門店推分期付款!買手機 / 電視 / 電腦用 App 申請,真係有著數?

左定坤 (Cho Ting Kwan) 2020-05-21 12:12 | Csl
版主好窮,有時見到好想買但又好貴嘅嘢,例如 MacBook 之類,我會考慮分期付款。香港電訊亦都宣佈推出 HKT Flexi 服務,係旗下HKT / 1010 / csl. 專門店買電子產品,都可以用 App 申請分期付款。想知詳情,有乜著數?睇下文啦!

FBjpg

用 App 申請分期

即日起,於HKT / 1010 / csl. 專門店買電子產品,其實就是他們有售賣手機、Gadget 甚至家電,用下載 HKT Flexi 應用程式,透過面部識別完成數碼化開戶流程,即可申請分期付款服務。他們說,整個開戶流程幾分鐘就搞掂,提交分期付款申請後,你就會即時收到結果通知,並且可以喺「我的分期付款計劃」入面查看貸款詳情,並可通過「還款時間表」查閱過去及將來的還款情況。喺每月還款到期前,應用程式會自動發送短信提示及程式內推送通知信息。

不過,HKT Fexi 的分期付款,不是大型連鎖電器跟信用卡合作提供的免息分期
不過,HKT Fexi 的分期付款,不是大型連鎖電器跟信用卡合作提供的免息分期
不過,HKT Fexi 的分期付款,不是大型連鎖電器跟信用卡合作提供的免息分期...

....要講三次,要收你利息,即係真借錢。


HKT Flexi App 仲配有貸款計算機,按一按就知每月還款金額按實際年利率 7.48% - 22.19% 計算。22.19%!!!!!!!! 即係有機會,件貨會貴 1/4!!!

螢幕截圖 2020-05-21 下午12.01.47.png

有乜推廣優惠

至於剛剛推出,會唔會有乜優惠?由即日起至 2020 年 8 月 31 日,HKT Flexi 客戶在指定香港電訊、1010 或 csl. 專門店使用 HKT Flexi App 購買任何智能手機、高清電視機、手提電腦或其他電器,即可享高達 $300 直接折扣,及賺取高達 1250 Club 積分。

螢幕截圖 2020-05-21 下午12.02.48.png

另外,客戶在 csl. 專門店、1010 專門店或 HKT 專門店購買任何產品、成功申請及提取 HKT Flexi 分期貸款,並同時成功攜號轉台簽訂指定 csl. 80GB 或以上 5G 服務計劃 30 個月承諾期、每月額外付 $18 行政費,即可獲高達 6 個月月費回贈。月費回贈會在承諾期分階段回贈至每月賬單,簡單來說就係畀 24 個月的月費,就可以用到 30 個月。

若果你睇完,都唔介意買貴嘢,分期慢慢俾,可以...
按這裡可以了解更多條款細則

最新新聞