$11 25GB 儲值卡用 3 個月!網店雙 11 快閃立即搶

左定坤 (Cho Ting Kwan) 2021-11-09 19:50 | Csl
後日 11 月 11 日,就係一年一度嘅「雙十一」,每年呢個日子,唔少網店都會搞限時優惠,吸引其他人用佢哋嘅服務。而今年都唔例外!留意到有網絡商推出雙十一快閃優惠,儲值卡 $11 就可以用三個月上網 + 打電話,想知詳情,看下文吧!

雙十一有好多優惠,不過今次我想講嘅,係中國聯通 CUniq。由 11 月 9 日起至 11 月 15 日,推出雙十一網店優惠,其中最令我覺得吸引嘅,係儲值卡優惠,特別係「香港 30 日上網卡」同埋「香港 90 日通話 / 上網卡」,就最為抵玩,只需 $11,限量搶購。

一張係 30 日一個月卡,一張係 90 日三個月卡,而如果同樣 $11 嚟講,我認為後者會更抵玩。就以數據用量為例,前者 30 日得 20GB,而後者 90 日有 25GB,就算你 25GB 用唔到 3 個月,當 1 個月用 $11 其實都 OK 㗎。

雖然你而家呢一刻撳入去睇,話 $11 已經搶完,不過其實佢有細字寫住「活動期間每日上午 11 點限量售賣,先到先得,售完即止!」,所以今日無,聽日又會再有,大家想要嘅話,記得 11 點就好去搶了。

除咗儲值卡優惠,另外仲有上台或者一卡兩號優惠,如果你真係仲好想知,按呢度可以了解更多
   
 

最新新聞