中國聯通「跨境王外遊版」升級！$218 享 180 日內地、澳門共用數據
說的是中國聯通 CUniq HK，最近推出咗跨境王外遊版儲值卡新 Plan，計劃價錢為 $218，可以享有 30GB 內地、澳門共用數據，而且有效期更有 180 日！而要注意的是，呢張 SIM 並不支持 eSIM，淨係支持實體 SIM。如何申請？
而如果你想申請呢個 Plan，可以點做呢？首先你就係要買張「跨境王外遊版」儲值卡，網店優惠價為 $108，開卡內附 $99 語音及4G數據服務儲值額，有效期為 90 日。另外，儲值卡啟用後，會即時首付 $6 行政費，並會喺其後每月首日自動收取 $6 行政費，如果餘額唔夠，就會暫停不作另外通知，直至增值足夠金額。
而如果你想申請 $218 呢個半年 Plan，你就需要先增值，增值方法包括網上、增值券、信用卡、PPS 繳費露、AlipayHK App，而在增值過程中，你亦可以延長儲值卡有效期。
除咗 $218 半年內地、澳門 Plan，跨境王外遊版儲值卡另外有 90 日以及 30 日數據組合，月費低至 $68 有 5GB 內地、澳門數據。值得一提的是，這張儲值卡並不只在內地、澳門用到，就連日本、台灣都用到，不過就每 KB $0.2 收費，每日收費上限 $48。有關計劃詳情可看下圖：
