新線 4G 速度有進步
油麻地至黃埔新線，其實係咁多間網絡商，包括 csl.、3 香港、數碼通及中國移動香港共同投資，即係大家都份用基站。據知今次係數碼通中標負責興建，咁多個台一齊使用，未來南港島線，都會由佢地負責。一如之前講過，新港鐵站用嘅會係新基站，唔會再有只係用舊機站，夾硬用好少頻寬，開通 4G LTE (一直只係用大約 10MHz 開通每個台嘅 1800Mhz 頻段）令港鐵市區線上網偏慢。......「版主問過網絡商嘅負責人，港鐵新站包括月台、大堂與隧道都使用全新基站，呢 D 基站其實無限什麼 G。2G、3G、4G 也可以開通。現時，油麻地至黃埔港鐵線已開通了 1800 與 2600 頻段，部份網絡商與 3HK 及 csl. 更可提供 1800 + 2600 嘅 CA (4G+) 網絡，合適手機，可以同時收晒兩個頻段服務，加快上網速度。就算你部手機不支援 4G+，也可以接上 2600 頻段部份，加上到網嘅機會，上網速度亦會有改善。」......
2G 話音未必有
版主今日係何文田站及黃埔站測試過，對比起油麻地，手機上網速度的確快好多，由油麻地站測速軟件下載得 4Mbps 大大提升及黃埔站的 60Mbps，可見新站有不錯嘅上網效果。......不過，版主亦發現，唔知係咪節省成本，3 香港係油麻地至黃埔港鐵線，靜靜地沒有通知下，沒有啟動 2G GSM 網絡。......
▲ 版主係油麻地及黃埔站，用 3HK 網絡作測試！分別測試 2G 話音及 4G 上網速度。
▲ 係油麻地站月台用 3HK 4G 網絡，測速只有約 4.47MBps 速度。
▲ 去到黃埔站月台用 3HK 4G 網絡，測速升至 60.8Mbps 速度！
▲ 版主手中的 LG G5 今年推出，但用在雙卡系統中，用來作話音嘅 3HK，並沒有在何文田站提供網絡。立即打唔通，失去聯絡。
非今年新款雙卡雙待手機要注意
這對大家有什麼影響？首先，可能是老人家，因為如 Microsoft 在香港發售嘅 Nokia 功能手機，只接通 2G GSM 網絡。.....網友選擇功能手機給老人家時候，千萬不要再買只支援 2G GSM 網絡手機，因為網絡商開始 Cut Service......
而大部份雙卡雙待手機 (非使用 S820 及 S650 等 CPU 的雙卡手機)，用來作話音的 SIM 2，也只能接通 2G GSM。不要說雙卡雙待手機用家少，上年推出嘅 HTC、Sony、LG，甚至好多陸機，都有雙卡雙待功能，若果你依靠 SIM2 作話音，咁就好易出事，真正失去聯絡！ 同時提一提，香港四間網絡商，以 3 香港 Cut 2G 服務最狠，除了港鐵油麻地至黃埔、港島西線，其實大欖隧道也是搶先 Cut 了 2G GSM 網絡。但有趣嘅係，新港鐵站基站其實可以打通全港頻段，3 香港唔開 2G GSM，但其他台沒有跟。
網友有無用過新港鐵線，或者其他港鐵站上網，有乜感受？不妨分享一下