真‧無限任用!超過 20000 熱點!新免費 W-Fi 「WeFi」登場

左定坤 (Cho Ting Kwan) 2016-11-11 15:50 | 3 香港
手機計劃數據用量唔多的網友,平時出街或者未必會無啦啦用 Wi-Fi,但有無試過,企喺街上等緊朋友,又或者去咖啡室食嘢坐下果陣,想搵 Wi-Fi 用呢?成日喺街 / 商場,都見到有不少的 Wi-Fi,好似 CSL、3HK Wi-Fi 等等,但呢啲 Wi-Fi 往往唔係所有人都用得,因為淨係益自己友,你唔係用我台,就唔俾你用,就係咁簡單。不過,而家會有個新的 Wi-Fi,用 3HK 的網絡,但就算唔係 3HK 客戶,都可以無限任用!聽落都好似好正咁,睇下文了解更多啦!

WeFi(Facebook).jpg

脈博移動方案有限公司 (MoboPlus) 同和記環球電訊有限公司,建立左為期三年嘅合作夥伴關係,在全港大型購物中心、連鎖店、零售商舖、投注站、商業大廈等地方有超過 20000 個熱點,基本上只要有 3HK Wi-Fi,就有呢個 SSID 為「WeFi」的 Wi-Fi。既然佢係用 3HK 網絡,咁到底有乜好呢?又有乜嘢分別?最大的不同之處,在於 3HK Wi-Fi 要 3HK 客戶先可以用到,雖然 3HK 本身都有個免費 W-Fi,但每日淨係限死左只有半個鐘,有時候真係未必夠用。而呢個「WeFi」,大部份 Wi-Fi 熱點都係由和記環球電訊嘅 1G 光纖寬頻為主幹,仲要非 3HK 客戶都可以無限任用,不過就要每個小時登入一次。但唔駛錢有得用,你會唔會唔用先?

最新新聞