限時！$72 3GB 21M 4G Plan，有無伏？
講緊嘅係 3HK，由即日起至 2017 年 1 月 2 日，佢哋都有推出一系列的聖誕限時活動，一共有三大的 SIM 優惠，不過並唔係個個優惠都吸引，當中望落比較吸引的，應該是『「拍住上」4G 21M SIM 12 個月免費』，有 3GB 數據，有得 tethering，平均月費低至 $72。不過當中有無伏點呢？
要點 001
呢個優惠其中一個條件，就係要一個人同日以同名，開兩個 4G Plan，其中一個要係 4G 21M SIM 月費計劃。正常好少會開兩個 Plan，不過如果幫屋企人開的話，就另作別論。
要點 002
兩個 Plan 之中，其中 4G 21M SIM 的月費 Plan，要簽 36 個月約。而另一個 Plan 則按平常合約期簽約，一般都是 24 個月。不過，版主都問過，最抵玩的玩法似乎係開兩個 4G 21M Plan，咁就可以兩個都同時享有 Free 12 個月月費，咁又唔同講法。問題係，你又願唔願意被網絡商綁住 3 年咁耐呢？
（例如: 客戶 A 選購了兩個 21M SIM Plan，咁就兩個都要簽 36 個月合約，但就兩個都有得 free 12 個月月費，計番每個 Plan 平均月費為 $72。如果你一個 Plan 係 4G 21M，而另一個係 4G 42M，咁就變左一個簽 36 個月，而另一個就只需按平時咁，簽番 12 / 24 個月）
要點 003
同市面上其他的 $108 Plan 不同，3HK 果個只有 3GB 21Mbps 數據，3GB 之後就停止數據，連 WhatsApp 都用唔到，其他台嘅 $108，多數係用爆變地獄限速，等你個 WhatsApp 與 Facebook Messenger 繼續低速運作到。
免行政費！$268 / 8GB 有 4.5G 上網
另一個優惠屬於抵定唔抵，個人覺得就真係見仁見智。講緊嘅係 4.5G SIM 月費服務計劃，簽 24 個月合約，原價 $298 有 6GB，而家在 2017 年 1 月 2 日之前上台，月費只需 $268，仲會額外送多 2GB，即係總共有 8GB，而且仲要免埋 $18 行政費添！比較一下對手 CMHK 的「全城移動」4G Plan，6GB 數據月費為 $248，連埋 $18 行政費，即係每個月要俾 $266，在 12 月 31 日或之前上台，會額外送多 3GB，即係 $266 一個月有 9GB 可以用，又會唔會更抵呢？不過咁，一個 4.5G，一個 4G，4.5G 係咪真係會快好多呢？你又覺得 3HK 同 CMHK，邊個抵啲呢？
其實除左以上兩個優惠之外，仲有第三個優惠，係關於 $348 三人共享 9GB 4.5G 月費。不過版主自己個人就覺得唔算太抵，反而比較值得考慮的，是上述的兩大優惠。如果你話唔係喎，都想知道下第三個優惠的詳情，可以按這裡了解更多。
按這裡立即登記