每月加 $48 有 4G 7.2Mbps 本地無限上網
兩件事，第一件事就係，「歡樂通宵」的門檻降低左，就算你選用 $108 月費的 4G 21M SIM 月費計劃，都一樣可以加 $48，享有「歡樂通宵」11pm - 7am 的無限數據。門檻降低左自然係一件好事，而另一件令人震奮的消息，就是上網速度都提升了，由原來的最高 1Mbps，升級至 7.2Mbps，但數據增值的費用就維持不變。記得之前即使只有 1Mbps 的上網速度，版主實測試過，用黎睇片一樣完全無問題，只係緩衝的時間可能需要耐啲，而家提升到 7.2Mbps，相信無論你煲劇定上網，應該會更加順暢！
▲ 速度提升至 7.2Mbps。
免上台簽約，但速度無提升！$64 / 月享 1Mbps 「歡樂通宵」
有無辦法可以唔使上台簽約，但都享用到「歡樂通宵」無限上網呢？方法係有的，版主 Keith 曾經介紹過一張「myTV SUPER 狂熱儲值卡」，張卡就 $128，申請 $78 一個月的 myTV SUPER 組合，就可以享有「首月免費」的優惠，兩個月後用完啲儲值額，就可以開過張新，計番條數只需 $64 / 月就可以享用 myTV SUPER 基本組合、TVB 外購節目點播組合、精選基本頻道組合以及「歡樂通宵」（11pm - 7am) 本地無限數據，另外仲可以享有多 1GB 的本地數據以及 1GB 的 TVB 數據。你話，咁樣唔係仲抵啲咩？但問題係，3 香港並沒有將儲值卡的網速提升，依然維持 1Mbps。如果係咁，你又會點揀呢？
