終於益下香港人!三星、LG、華為旗艦最多減一千,買機有新選擇?

左定坤 (Cho Ting Kwan) 2018-02-21 19:14 | 3 香港
有件事,令版主印象好深刻。有日版主行場,經過旺角西洋菜街間 3HK,突然間見到有張海報寫住,三星 Galaxy Note8、LG V30+ 等旗艦手機有減價,條件係要用支付宝。請注意,係大陸專用的支付宝,而非香港人用的支付寶 HK。問過店員,支付寶 HK 無優惠,即係香港人無份,對於呢件事,版主覺得好過份,好歹間網絡商都叫 3 香港,但居然唔益香港人,反而淨係得大陸人先有着數?於是乎同版主 Keith 討論過,最後版主 Keith 就寫咗篇文,同大家討論一下。可能文章一出 3 香港都心知不妙,近日再同支付寶 HK 合作,推出咗個「新春淨機優惠」,只要用支付寶 HK 買機就有減價,呢個價又是否值得入手?睇下文啦!

3HK(Facebook).jpg

3HK 日前在 Facebook 專頁上出 post,表示同支付寶 HK 合作,推出了一個「新春淨機優惠」,由即日起至 2 月 28 日,只要用支付寶 HK 到 3Shop 付款買指定型號手機,包括 iPhone 8 / 8 Plus、iPhone X、華為 Mate 10 / 10 Pro、LG V30+、三星 Galaxy Note8 等,就可以有最多 $1000 的優惠。不過去 3HK 買 iPhone 又唔係好抵,咪又係同市價差不多,無乜特別,而其他的手機優惠,則同之前大陸支付宝個優惠一樣。

eprice-edit_4_17b1671d76b38da2c0e647208dac7163ori.jpg

不過,版主昨日再去西洋菜街 3HK 門市問,店員好似完全不知情咁,話佢哋淨係做大陸支付宝咋喎。我同佢講,唔係喎,我見到你哋 Facebook 話,而家香港支付寶買機都有優惠喎,店員都係話無聽過,之後無再理我。我心諗,3HK 竟然無同門市職員溝通好,就出 Facebook?對於呢個優惠,你又點睇呢?

按這裡有支付寶 HK x 3HK 新春淨機優惠詳情

最新新聞