平抽 SUN Mobile!無限上網挑戰最平價!$146 全包任用 21M 數據

左定坤 (Cho Ting Kwan) 2018-02-22 16:05 | 3 香港
無限數據計劃愈出愈便宜,網友好似都見慣見熟咁,就算二百幾蚊有任用數據,大家都似乎已經不放在眼內。目前講到最抵玩的網絡商,應該是 SUN Mobile,$78 + $68 連埋行政費,$164 就可以享有無限 21M 數據。雖然唔係全速,但基本上呢個速度可以話咩都做到,用黎睇片又得,用黎打機都得。不過,最近再有網絡商效法 SUN Mobile,推出了更平價的無限 21M 數據計劃,$146 全包就可以任上網,似乎更抵玩。呢個 Plan,你有無興趣用下呢?想了解詳情,睇下文啦!

3HK(Facebook).jpg

說的是 3HK,最近推出了一個無限 21M 數據計劃,月費只需 $146,簽約 24 個月,連行政費都唔使,就可以 21M 的速度任上網,而且仲要可以做咩用途都得,甚至 tethering 都沒有問題。從價錢來說,性價比算是相當高的。不過,呢個 Plan 門市係做唔到的,係 3HK 的內部 offer,到底要點做先可以申請呢個 Plan 呢?答案就係你需要搵 sales,先可以做到呢個 Plan。而版主都向 sales 問過,呢個 Plan 並不是企業 Plan,所以係人都可以申請得。

但有一點不得不提醒大家,根據 sales 所說,呢個 Plan 係新年的優惠,仲有幾日就完結,之後會否繼續有呢個 Plan 仍是未知之數。無論點都好,如今無限上網門檻愈來愈低,網友又覺得 3HK 呢個 Plan,是否值得一試呢?
 

最新新聞