主題:每月 8 蚊有 1.1GB!3 香港萬能新卡,仲送 2GB 中國、澳門漫遊數據

ePrice HK
  • 發表時間:2018-06-06 17:48 收錄檢舉
    版主成日都會去不同的地方,出席不同品牌的發佈會,而去得最多的地方,就是中國大陸。如果你好似版主咁,間唔中都會去大陸工作或者「梳乎」下,就要特別注意了。唔想成日都要特登去鴨記買 SIM,平時返到大陸又唔會用太多數據,主要係用黎 send 下 WhatsApp 同香港嘅親友聯絡,會唔會考慮買返張年卡呢?大家都知道,3HK 有張叫做「國際萬能咭」嘅年卡,最近加入了新的成員,$148 就可以平玩 22GB 中港澳數據,又係唔係真抵玩呢?想知呢張 SIM 的詳情,睇下文啦!

    每月 8 蚊有 1.1GB!3 香港萬能新卡,仲送 2GB 中國、澳門漫遊數據

    一直以來,3HK「國際萬能咭」都係有分綠色同紅色兩張卡,綠色果張係淨係得香港有得用,有 20GB 數據,而紅色果張則係 for 香港、澳門兩地用,共有 25GB 數據可以用。最近 3HK 再推出了一張新的、黃色的「國際萬能咭」,有 22GB 中港澳三地數據,有網店賣緊 $148 包順豐門市取,而且張卡仲可以用到 2019 年 12 月 31 日,又係唔係好抵玩呢?

    要特別注意的是,所謂 22GB 中港澳三地數據,並不是全部 22GB 都是三地共用,而是 20 + 2 的組合,即 20GB 的香港流動數據 + 2GB 的中、澳共享數據,返大陸得 2GB 可以用,夠唔夠用就睇你點用喇,如果只係單純用來 send 下 WhatsApp,其實對於版主來說,應該都會很足夠。
     
    3HK 中港澳「國際萬能咭」詳情
    面價:$198
    Facebook 網店賣價:$148 包順豐
    使用期限:開卡至 2019 年 12 月 31 日 (計返即係唔止 1 年)
    數據用量:20GB 本地 + 2GB 中澳
    通話分鐘:2000 分鐘
    速度:4G,香港網速可達 42Mbps
     

    當今個月買咭開始計,仲可以用到大約 18 個月左右,計起上來即係:

    $148 / 18 個月 = $8.22
    20GB / 18 個月 = 1.11GB
    咁即係話,平均每個月 $8.22,就可以在本地用到 1.11GB,另外仲有 2GB 可以俾你返大陸、澳門用。

    每月 8 蚊有 1.1GB!3 香港萬能新卡,仲送 2GB 中國、澳門漫遊數據
     

    有無得 MNP?

    如果你想 MNP 轉過去呢張黃色的國際萬能咭,得唔得?對唔住,呢張係唔得嘅。假如你想 MNP 又可以開到同樣 20GB + 2GB 的 Plan,其實都仲有計:去直銷中心搞 MNP 開張普通的萬能咭,費用 $80,有 $90 的儲值額,然後再自行購買增值券 (網店價 $66 / 張),總成本 $156,可以開到價值 $196 的 Plan。
     

    無必要 MNP,可以有更抵開卡方法?

    其實方法同上面 MNP 類似,不過如果你唔使 MNP 攜號轉台,直接買張普通嘅萬能咭,再自行用增值券增值,入手門檻會更低。有網店就推出了一個套餐,$116 就包普通萬能咭 + 增值券一張,儲值額加埋有 $220,足夠你開 20GB + 2GB 中港澳 Plan,但同直接買黃色果張萬能咭不同的是,黃色果張係可以用到 2019 年 12 月 31 日,而呢張普通萬能咭則只能用到 365 日。

    每月 8 蚊有 1.1GB!3 香港萬能新卡,仲送 2GB 中國、澳門漫遊數據

    查詢:超譯香港儲值卡

    立即加入Facebook 專頁,新聞/消息/優惠,最快知。

    01樓 ▲TOP 回列表頁