又有 5G 頻譜拍賣完成! 4.9GHz 無人爭呢兩個網絡商底價取得

Keith Yim 2019-10-23 19:30 | 3 香港
乜唔係上兩個星期先拍賣完 5G 網絡頻譜咩? 未完架!上次拍賣嘅頻段,係全世界嘅主流頻段 3.5GHz,所以四間網絡商都有份爭,最後中國移動香港爭得取大份,3HK 最細份。今次呢段 4.9GHz,得兩間網絡商有份,係其他網絡商唔夠錢,定呢條頻操作上有困難? 版主話你知。

5g-fb (1).jpg

今日 (10 月 323日),通訊事務管理局辦公室(通訊辦)公佈,透過拍賣推出 4.9GHz 頻段內的80MHz 頻譜,由兩家流動網絡營辦商成功投得,頻譜使用費總額為2 億 4000萬。

Screenshot_20191023-190648_Chrome.jpg
由圖表可見,投得嘅包括了香港電訊,旗下包括 csl、1010 及最近再推平價無限上網嘅 Sun Mobile,另一間則是中國移動香港 CMHK。咁和記電訊 3 香港及數碼通呢? 係咪唔夠錢? 其實,早前呢間網絡商已退出此次頻譜拍賣。而 4.9GHz 嘅拍賣,早已定了只有兩組分配,每組 40MHz,所以,香港電訊與中國移動都可以用底價投得,每間公司平分 40MHz。
 

和記電訊、數碼通無參予

乜唔係 5G 頻譜好不足咩? 仲乜有網絡商唔玩唔參予呢今次競投? 業內人士跟版主透露,暫時來講其4.9GHz 非世界主流 5G 頻段,只有中國大陸嘅中國移動,會採用來建設 5G 網絡,所以子公司中國移動香港去投呢組,方便日後同系中國大陸用家,到香港都方便作漫遊數據,好理所當然。但注意一點,就算中國移動家陣係中國建設嘅 5G 網絡,暫時都未用到 4.9GHz 頻段。

而因為非主流關係,會有器材不足嘅問題,開台之初,未必可以立即啟用。而該位業內人士更說,4.9GHz 其實跟 WiFi 網絡嘅覆蓋好似,未必做到 3.5GHz 比較好室外與入屋嘅覆蓋。亦可能因為咁
咁,數碼通與和記電訊選擇放棄。

數碼通及和記電訊咁樣講

數碼通發出新聞稿表示: SmarTone 決定不參與競投 4.9GHz 頻譜,因為此頻譜屬高頻段,不足以提供大範圍的覆蓋,而其生態環境亦相對不夠成熟。SmarTone 將充分利用早前成功競投的50MHz 3.5吉赫黃金頻譜,配合已獲得的400MHz 26/28GHz 及現有頻譜,於香港建構一個世界級的 5G 網絡,並解決 5G 限制區問題。

至於和記電訊即說
: 「3香港決定不參與競投4.9吉赫的頻譜,主要是由於該頻譜頻率較高,現階段其生態系統未及其他的成熟,且頻段供應亦不足,經評估成本效益後遂不加入此輪投標。」 香港電訊列出  4.9GHz 好處

香港電訊列出 4.9GHz 嘅好處

不過咁,香港電訊唔係咁睇。係佢地嘅新聞稿,係咁講 「4.9GHz 頻段頻譜有重要的策略意義,可提升香港電訊 5G 服務的整體速度及容量。此外,我們可在香港南面及新界東兩個人口稠密的限制區部署4.9GHz 頻譜,以增強網絡覆蓋,因為這兩個地區的地面衛星站可能會對3.5吉赫頻帶造成干擾。受限制區影響的地區包括赤柱、石澳、南丫島、沙田、大埔、馬鞍山及粉嶺。」即係話,係 5G 結界,只有 csl 與 CMHK 提拱到戶外嘅 5G 覆蓋,不過,係咪一開網就有,正如版主上文所講,可能有器材方便嘅限制。

5g-04.jpg
▲ 2020 年四月後,香港網絡商 2G GSM / 3G WCDMA / 4G LTE 及 5G NR (未計 3G CDMA 及  mmWave 頻段) 頻譜分配表。 

最後,5G 頻譜拍賣仲未完,仲有一輪 3.3GHz 頻段供拍賣,呢條頻都有 100MHz 供應。3.3GHz ,係 5G NR 嘅頻譜劃分中,都係 N47 (N48) 組別,都係全球主流頻段 (而 4.9GHz 是 N79)。不過,係香港限制咗後室內使用。但業內人士指出,室內如港鐵的覆蓋都十分重要,所以估計,3.3GHz 四大網絡商都會參予。

有關香港 5G 更多文章

香港 5G 爭霸戰! 中國移動香港 CMHK 或成大贏家
香港有平價 5G 流動服務?!政府:更多 5G 頻段+更平嘅使用費
網絡商確認香港有 5G 結界!開網 100 萬人無得升級
政府還擊!香港 5G 發展唔係慢半拍!最快 2019 年 4 月有得用
香港 5G 結界有無解決?解構政府新 5G 頻譜政策

最新新聞