主題:50GB 免費數據睇 i-Cable 新聞?!有線寬頻 + CMHK 即日成策略合作夥伴

ePrice HK
  • 發表時間:2018-09-03 18:25 收錄檢舉
    講起 i-Cable 好多都話希特拉都 Cut 唔到!但留意開新聞嘅都知道,有線新聞仲係少數仲肯批評政府及報導中國大陸非官方消息媒體,若果免費有得睇,仲要每月有 50GB 數據任你睇,你會唔會睇佢唔睇 CCTVB?說說今日有線寬頻跟中國移動香港 CMHK 即日成為策略夥伴,雖然有什麼內容,有什麼月費未講,但講明有線電視三條本地頻道,包括新聞台,財經資訊台及娛樂台,都會登錄 CMHK 旗下嘅 UTV 平台。

    50GB 免費睇 Cable 新聞?!有線 + CMHK 成策略合作夥伴
     

    今日有線寬頻跟中國移動香港 CMHK 即日成為策略夥伴,重點如下

    001:有線寬頻附屬有線寬頻電訊與中國移動香港訂立諒解備忘錄,內容包括由中國移動香港向集團支付若干費用,以使用有線寬頻網絡資源。

    002:中國移動香港委聘有線寬頻電訊,以為網絡建設及維護提供專業意見或相關服務;

    003:有線寬頻向中國移動香港提供電視內容及探索透過中國移動香港新建網絡及集團網絡的未來商機。

    004:倘訂立正式協議,年期將為20年,並可能額外延長 5年,條件為中國移動香港有權自正式協議日期起計 10 年期間結束前審閱正式協議。

    (來自港交所通告)

    005:有線電視三條本地頻道,包括新聞台,財經資訊台及娛樂台,都會登錄 CMHK 旗下嘅 UTV 平台。

    006:有線寬頻暫未打算取 MVNO 牌照。


    (來自記者會公佈)

    50GB 免費睇 Cable 新聞?!有線 + CMHK 成策略合作夥伴


    其實,六點裡中,只有第五點是比較具體。UTV 是 CMHK 嘅網絡電視服務。由上年起,主要由中國大陸視頻供應商提供節目,仲要每月付錢!而唯一本地頻道,除咗有賽馬及六合彩直播,就係一些悶到叫救命,主吹大灣區嘅節目。

    不過,原來 CMHK 每月都送 50GB 免費數據用量予客戶,係手機透過 App 去睇 UTV,若果未來有線新聞台,財經資訊台及娛樂台登陸 UTV,即係佢哋嘅客,都可以幾乎免數據費睇,到時可能係賣點來。雖然今日還未有方案,網友都要留意了。


     
    多謝支持 ePrice.HK

    立即加入Facebook 專頁,新聞/消息/優惠,最快知。

    01樓 ▲TOP 回列表頁