窮人福音!CMHK 下最後決定:不加價、無限期

左定坤 (Cho Ting Kwan) 2018-10-02 17:22 | 中國移動香港
上星期版主同大家分享過,同街站傾開得知,CMHK 真無限上網 Plan,去到 30/9 之後就會加返價。當時版主呢位街站朋友,就講到好肯定。不過,凡事唔係絕對嘅,雖然 CMHK 的而且確原定會加返價,但後來 CMHK 同我哋講,最後公司都係決定唔加價,而且唔再好似之前咁,會有優惠的限期。面對間間網絡商都玩加價,CMHK 最後堅持以平價 Plan 迎戰,絕對係窮人福音。對你來說,又係咪一個好消息?

CMHK(Facebook).jpg

上星期版主的街站朋友就收到消息,表示 CMHK 過咗 9 月 30 日就會加價,而當時佢就估計會去返原價,即係最平 $248 有無限上網。消息係真的,CMHK 原先的確係諗住跟其他網絡商加價,不過後來 CMHK 方面同我哋講,佢哋最終決定都係唔加價了,即係繼續 keep 住 $168 無限上網,而且本身優惠係有限期,而家直接改為無限期。咁都好嘅,對於窮人如版主般,叫做有個平價的選擇。不過,呢個無限期有幾耐,真係睇下其他網絡商會唔會再加。

策略來說,無做錯嘅,有錢嘅,你可以上 SmarTone;無錢,咪 CMHK 囉,最重要係咩,最重要就係你有得揀!今次 CMHK 的最終決定,個人認為係抵讚的,你點睇呢?
 

最新新聞