評測!中國移動香港 2Mbps 速度 無限上網計劃 播片大測試

Keith Yim 2019-03-09 16:59 | 中國移動香港
隨著 5G 來臨,4G 亦因為技術提升,網絡商嘅擁有嘅頻段越來越多,除了正速嘅無限上網外,市面上開始有「睇到無時限又清晰嘅 Video」手機上網計劃。數碼通與中國移動香港,都係佢地網站或街站 Channel 賣呢個 Plan:2Mbps 速度無限上網,無 FUP ,每月任用不限速。月費仲要好平,以今次測試嘅中國移動香港為例,免了每月行政費,實收月費 $88,呢個價錢,一年前,上網速度只有 384kbps 咋! 2Mbps 速度做到乜?版主試過,在手機睇香港主要視頻網站完全無問題;我亦試過將佢 Tethering 方式,提供與 Chromecast 作測試,效果又係點?

2mbps-fb.jpg

性價比好高的 2Mbps 計劃

真心講,2Mbps 無限上網計劃,真心抵!尤其今次試嘅中國移動香港計劃:

月費: $88
行政費:豁免 (帶 Number 轉台)
每月本地通話分鐘:3000 
中國地區數據:每月 1MB (用爆自動轉 daypass 4G 無限速,每日收 $48)
本地 WiFi: 已包括 (大部份使用 csl. WiFi 嘅覆蓋,但不包括九巴 WiFi)
合約期:24 個月


數碼通都有類似計劃,但以價錢來講,中國移動香港呢個比較抵玩,除了免了每月行政費,令收費平過數碼通外,最緊要佢嘅條款寫明 2Mbps 沒有 FUP,連正速無限上網什麼過了 FUP 網絡速度會有先後次序限制條款,連用途都寫明「無用途限速」。事實上,版主多日在家中作 Tethering 甚至接駁至 Chromecast 都不會有突然減速嘅情況。而數碼通,其實寫明只能供手機上網之用,雖然我知道實情沒有限制,但人家條款寫明,有一日落閘,你都無得投訴。

實測:日常上網

係試呢個 Plan 之前,版主其實用咗 CMHK Kabayan 作家中 WiFI 一段長日子。無錯,版主好慘架,住在新界一個只有 ADSL 覆蓋地方,我把錢供給了 now TV,上網就用 Kabayan。乜叫 Kabayan,我呢度唔再多講,因為版主早年已教大家用,最平每月 $45 就可以無限上網,而 Kabayan 下限速度又係 2Mbps,所以我好熟悉 2Mbps 係乜環境 (有關 kabayan 點收費,點抵玩,按呢度就知

中國移動香港嘅 $88 2Mbps 上網速度計劃,體驗其實跟 kabayan 好似。以 Speedtest 來講,我係香港國際機場,做到上下載都剛超過 2Mbps 的速度,而我家中的室內作 Tethering,因為發射站理我村屋家有一段距離,入到屋嘅 CMHK 4G 訊號只有 Band 1 及 Band 3,下載速度大約最高 1.8Mbps 左右,而上傳約 1.5Mbps 左右。若果我把手機鎖定 Band 40 及 Band 7,在近窗地方收到訊號,在夜晚上網繁忙時間,速度會更加穩定。

2Mbps 做到家中 Broandband Replacement? 首先,不要想像你用到 now E 及 myTV Super 機頂盒,人哋寫明要求 4Mbps 網速,不用試了。而我試過其他電視盒子,基本上直播台會好窒,點播電視也不太能播得到。若果手機駁 Chromecast 呢?要睇睇手機視頻 App,Youtube 與 HBO Go 是會自動因應流量調節中

最新新聞