SmarTone 今日宣佈，推出「無形 Wi-Fi 蛋」(舊稱「精裝漫遊數據日費計劃」) ，可以首日全日漫遊免費任用，仲唔止返大陸同澳門，係全球 52 個地區，想知係咪真係咁抵，有乜要注意，睇下文啦！
日費形式收費，多個地區任用漫遊數據
所謂「無形 Wi-Fi 蛋」，其實即係用返你自己張 SIM 卡，亦即係「漫遊數據日費」，每日一個收費，俾你無限上網。而數記嘅「漫遊數據日費」一向都係俾手機 Tethering 分享收享上網數據，所以其實同 WiFi 蛋功能一樣。而係八月三十一前，佢地推出減價優惠，最抵嘅係，頭一日漫遊數據係免費，免費，免費。。。講三次，但裡面有無伏位？我哋由最原始嘅收費講起。
| 「無形 Wi-Fi 蛋」 | 服務收費日費 (每個地方） |
| 中國、澳門、澳洲、印尼、日本、馬來西亞、紐西蘭、菲律賓、新加坡、南韓、台灣及泰國 | HK$68 |
| 美國、加拿大、歐洲等其他地區 | HK$128 |
由即日起至 9 月 10 日期間外遊，呢個「無形 Wi-Fi 蛋」即係漫遊數據日費，服務，有以下優惠，見下圖，重點是第一日係費用全免，第一日上網唔駛錢，Yeah！數記計算一日時間，係用當地時間，唔係計香港時間，一日代表當地時間凌晨十二點至夜晚十一點五十九分，落機就教好個鐘，就知好唔好開著佢，遇著夜晚十點、十一點才到步，當然唔好開著啦，唔係蝕鬼晒。除左首日免費，數碼通仲做緊越用得多，越平嘅收費，用到第五日以後，當日收費變左半價。
| 第一天 | 「無形 Wi-Fi 蛋」日費全免 |
| 第二天 | 日費 8 折（$54.4 / $102.4） |
| 第三天 | 日費 7 折（$47.6 / $89.6） |
| 第四天 | 日費 6 折（$40.8 / $76.8） |
| 第五天及以後 | 日費 5 折（$34 / $64） |
▲ 與此同時，由 2016 年 6 月 1 日起至 2016 年 8 月 31 日，每逢星期六、日及香港公眾假期，客戶均可以 HK$34／每日／每地方 (原價 $68），在中國／澳門任用漫遊數據。如客戶於同日享有「無形 Wi-Fi 蛋」夏日優惠及中國／澳門數據漫遊假日優惠兩款優惠，將收取日費較低者。（每日定義為漫遊地區當地時間 00:00 至 23:59），所以返大陸同澳門，係仲抵。
真係咁正? 「無形 Wi-Fi 蛋」服務要注意......
其實呢個「無形 Wi-Fi 蛋」服務，望落咁抵，但中間有無伏點? 可以話有，可以話無，見仁見智。版主想講的就係，雖然俾左日費可以全日免費無限上網，不過當每日每地區漫遊數據用量達到 300MB 之後，係可以繼續用漫遊數據，不過上網速度將會被調整至不高於 128kbps，用慣 4G 上網，呢個速度真係「地獄級」...... 講就咁講，但係其實我覺得，如果主要用黎 Whatsapp／Facebook 同香港同事朋友聯絡，唔係用黎睇片，其實 300MB 真係夠用。網友又會唔會用呢?