網上送禮、街霸減月費! SmarTone 無限上網限速 Plan 有壓力

Keith Yim 2016-08-22 20:42 | 數碼通

最近有留意，網絡商近排除了重新推出無限上網計劃外，亦係限速上網部份爭餐死。早前 CMHK 推出了 $108 / 3GB 高網速 3G 計劃、csl 亦有學生 Plan 月費計埋行政費都係百頭左右。數碼通呢？有留意佢地係街檔其實賣得最多係最平價 $88 + $18 行政費嘅入門低速上網計劃 (Click 呢到有證明)。不過，數碼通似乎唔想高調攪減價，係網上推出無限上網限速上網 Plan 送禮優惠，但若果禮物唔合你心水，其實街霸靜靜雞減月費！想知詳情？



網上優惠 送雪糕
比起 3HK、csl 與 CMHK 相比，SmarTone 呢個網上優惠真麻麻地，即日起至  9 月 1 日，於 SmarTone 指定網頁登記限速 Plan，即  $88「貼心智能手機計劃」，簽約 12 個月可以下其中一款禮品：港幣$100 Häagen-Dazs 禮券，或 $228 SmarTone 亞洲旅遊數據咭。

街霸減月費，最多 $176 蚊

你問我，都係覺減月費最實際! 版主係旺角與深水埗嘅數碼通街霸 Sales 傾過，原來呢個 Plan 有 Roadshow價。同樣簽十二個月，會有兩個月免費，$88 x 2，即係最多減 $176！數碼通呢個 $88 計劃，其實還要加 $18 行政費，結果月費要過百元，即 $106。雖然話就無限上網，但規距比起 CMHK、Sun Mobile、3HK 同類限速 Plan 都要多，包括最多唔會快過 384kbps (實際約 400kbps 速度左右，CMHK、Sun Mobile 會比較快，仲用 4G 網絡提供服務)，同埋唔可以做 Tethering，即係唔可以分享給手提電腦或平板電腦上網用，最慘嘅係有 D 網站係睇唔到，主要係有提供手機版嘅桌面版網站，例如，用呢個 Plan，你睇唔到 www.eprice.com.hk ，只可以睇  M 版)!