教精你! 最多 9 個月唔使錢?HKBN 送 5GB 21Mbps 數據 + 行政費!

左定坤 (Cho Ting Kwan) 2016-11-09 02:16 | 數碼通
自從 HKBN 玩埋手機台,成功以平價、抵玩的月費,吸引了不少網友的關注。早前版主 Keith 同大家分享過,HKBN 有暗 Plan,$98 就有 42Mbps 高速上網,而且仲有 5GB,真係好抵玩,版主亦都收到不少網友的查詢有關 Email。而最近,HKBN 又再出現新玩法,最多免費送你九個月月費,真係咁抵?即刻睇下啦!

HKBN(Facebook).jpg

HKBN 新玩法!最多送你 9 個月流動通訊服務月費!
最近 HKBN 推出了一個叫『優惠解「馬」』的活動,玩咩架呢?呢個優惠活動只適用於「香港寬頻流動通訊服務計劃組合」(即流動通訊服務 + 家居電話服務 / 流動通訊服務 + 家居寬頻服務),優惠期至 12 月 16 日。只要將你手機號碼的首個數字,減去最後一個數字,就可豁免相應月數的流動通訊服務月費,而攜號轉台客戶,更可另外豁免 $18 行政費。例如版主的手機號碼是 6XXXXXX1,首個數字係 6,最末數字係 1,「6 減 1 等於 5」的關係,即係可以免 5 個月的流動通訊服務月費。至於家居電話服務 / 家居寬頻服務,則要俾番正價。如果你首個數字係 9,而最末數字係 0,就最着數,可以免足 9 個月。參加者必須為香港寬頻新客戶 / 香港寬頻自由約客戶 / 在六個月內到期的香港寬頻或家居電話服務現有客戶。

Screen Shot 2016-11-09 at 12.58.19 AM.png
按這裡可以進入『優惠解「馬」』活動頁面。佢會要求你輸入你嘅手機號碼。

Screen Shot 2016-11-09 at 1.15.16 AM.jpg
▲ 輸入完電話號碼之後,佢會要求你確認一下係唔係呢個號碼。

Screen Shot 2016-11-09 at 1.18.37 AM copy.png
▲ 版主個電話號碼,可以得到 5 個月免費流動通訊服務。按下「發送優惠碼」,手機就會收到 SMS 通知。

Screen Shot 2016-11-09 at 1.21.21 AM.png
▲ 手機收到優惠碼之後,按「即刻去馬」,就會見到佢要求你輸入優惠碼。

流動通訊服務 + 家居寬頻服務
Screen Shot 2016-11-09 at 1.26.35 AM.png
▲ 如果選用 100M 家居寬頻 + myTV SUPER + 流動通訊組合,原本計劃月費為 $236,包括 $128 的寬頻組合以及 $108 的流動通訊服務組合 (包 3GB 本地數據,攜號轉台額外送 2GB + 行政費豁免)。扣取優惠後,平均月費最平為 $195.5 (免 9 個月流動通訊服務組合月費)。但其實,HKBN 做緊唔駛簽約嘅計劃,呢個套餐其實都係 $248,仲要包埋固網電話。但今次優惠要一紙簽約廿四個月,抵得幾多?見仁見智。

Screen Shot 2016-11-09 at 1.26.03 AM.png
▲ 1000M 家居寬頻計法都係一樣,扣除優惠後,平均月費最平為 $232.5 (免 9 個月流動通訊服務組合月費)。

$108 自由約,包家居電話 + 5GB 本地數據
假如你咁唔好彩,手機號碼首位數字少於或等於最末數字,即係 1 個月嘅優惠都攞唔到嘅話,唔緊要!HKBN 推出的 「家居電話 + 流動通訊」自由約組合,好似都算幾抵玩,只需 $108 (另需加 $18 行政費),就可以享有家居電話攜號轉台月費 $0 優惠,並且每月仲有 3GB 本地流動數據 (攜號轉台有額外 2GB),最高速度為 21Mbps。而自由約最方便的地方係,你想幾時轉台就幾時轉,唔洗俾個合約綁住,網友又會唔會考慮呢個組合呢?

Screen Shot 2016-11-09 at 2.06.46 AM.png

來源: HKBN

最新新聞