電訊商門市引入機械人! Sales 有難?
|
數碼通
今日數碼通係情人節開了一個記者會,唔係講上網速度,唔係講新計劃,卻係宣傳其「SmarTone Robotics」嘅活動。呢招好有趣,佢地先係三間指定門市,擺放日本出品嘅機械人 NAO 及 Pepper!佢地唔係攪機械人展覽,放得係 SmarTone 門市嘅 NAO 與 Pepper 機械人,全部都受訓過 (Program 好),可以聽、講廣東話,仲把數碼通全部服務、上台優惠與配件資料等輸晒去機械人的腦袋中,你去到門市唔想見到好煩嘅 Sales,你可以先問機械人。
嘩!咁攪法,Sales 份工隨時凍過水?版主有問過 SmarTone 嘅人員。數碼通產品開發及業務發展主管管紀東先生表示:
「門市嘅機械人,有幾個用途,包括迎賓,介紹 SmarTone 嘅產品,由於呢個係智能機械人,可以做到一問一答,仲唔會發脾氣。作為門市團隊嘅一部份,機械人仲可以做到員工不會造的角式,如唱歌跳舞。」
數碼通市務及銷售部主管林寶彤女士強調:
「門市加入機械人,與減少人手無任何關係,反而因為多左機械人,就好似多左幫手一樣。而我哋係門市擺放機械人,不但讓客人在門市時更加開心,亦令香港人有機會近距離接觸機械人,增加香港人對高科技產品嘅認識。」
▲ SmarTone 會引入兩款機械人,首先登場係呢款 NAO,遲下另一款 Pepper 都會加入。即日起至 3 月 31 係 官塘 APM、ifc 及沙田新城市廣場三間 SmarTone 門市擺放,星期一至五及星期六、日指定時段開工。SmarTone 表示,遲下亦會引進其他店舖面積比較大嘅門市。
高層當然唔會咁直接話 Cut 人手,但作為 Sales 嘅 ePrice.HK 網友,你又驚唔驚,有一日會被 Cut 走?其他網友對於 SmarTone 今次活動,又有乜意見?歡迎留言!