不講最高速!數碼通推新網絡管理措拖 智能大數據 + QoE

Keith Yim 2017-10-11 19:54 | 數碼通
講開手機網絡服務,好多人都會想起地鐵上唔到網,個別地區上網慢過人。最多人會用 OFCA Speedtest 跑一跑,睇下個刻上網有幾快。呢個咁簡單嘅測試,亦成為某些網絡商嘅宣傳重點,時時刻刻唔理你係咪用緊三星手機,都話自己個網做到最極速。數碼通幾年前已用了另一套方法去管理網絡: Quality of Experince (QoE) 。呢一套網絡管理手法,到底係乜東東。版主最近跟數通碼通科技總監鄒金根傾過計,由佢親身解釋一下 QoE 管理網絡理念。如此同時,鄒金根亦講了未來智能化手機網絡會係點運作?睇了之後,你又認唔認同數碼通呢一套,到底係網友心目中,係咪真係改善到大家嘅上網感受?大家可以留言再討論呀。
 

smartonefb01.jpg
 

引入 QoE 準則

原來數碼通係幾年前已無再純講網絡速度,佢地用了 Quality of Exprience (QoE) 去調整網絡質素。QoE 代表了上網體驗嘅質素。佢地會用最多人用嘅上網應用,例如瀏覽網站、用 Facebook 或者睇 YouTube 個陣嘅感覺,包括埋 Load 內容嘅時間,過程順唔順等等,作為網絡好與壞嘅指標。鄒金根強調,用 QoE 管理網絡,唔代表唔講速度,因為呢d 應用,一定要配合一個快嘅網絡,先做得到。但跟只標榜最高上網速度為賣點嘅宣傳手段唔同,數碼通講嘅係真正上網體驗,包括了三個原素:Accessibilty,即係手機最快 Load 到你想睇嘅內容;Retainability,即係係過程裡面,係不會中斷,可順暢完成;仲有 Integrity,即係上網過程,你得到你想要嘅嘢。QoE 亦講求一致性,即係你係任何時候,任何地區,都應該有差不多嘅上網體驗,唔會非繁忙時間先會上網順,夜晚多人上網就慢好多等。


鄒金根稱早前數碼通嘅網絡設備供應商  Ericsson,係六月份做過以 QoE 作為準則的香港手機網絡商質素評估報告,係 65 個測試地點中,數碼通得到 57 個地點 QoE 最高分。這個評估包括了用手機瀏覽 HKGOV、Openrice、Google、香港天文台及蘋果日報網站、YouTube 睇及上 Facebook 嘅體驗。有趣嘅係,其實香港各大網絡,係呢三個應用嘅最低 Load Time,其實相差只係以一秒計,差距好細,但數碼通係全部測試 Load Time 嘅分佈裡面,係最集中,代表數碼通網絡質素係不同地區嘅網絡質素一致性係最高的。

Screenshot_20171011-081037.png
▲ 圖中三個上網應用比拼中,最左面的一條 Bar 代表數碼通的成績,可見其實測試網絡商中,做到 Load Time 最快嘅速度,其實相差無幾,但數碼通係整個測試裡面 Load Time 差距最細,代表網絡不同地區嘅一致性係最高。

大數據改善網絡質素
除了引入 QoE 作為網絡質素嘅準測,鄒金根亦有講,現時數碼通已做到以自動化收集用家上網係不同時段、地區嘅手機上網行為,例如原來早上時段,香港用家喜歡用手機追劇睇短片新聞,但黃昏放工時段,反而係 Social Media 如 Facebook 嘅瀏覽最多。數碼通可以跟據呢 D 數據,適時調控網絡。而佢亦透露,未來手機網絡,會朝向 Self Organizing Network (SON) 自我調控網絡發展,即係手機網絡本身,會即時計算到不同人嘅上網行為,時更新網絡資源,切合用家嘅上網即時要求。由此可見,未來嘅手機網絡,應該會越來越穩定的。

最後講了咁多,唔知大家睇唔睇得明白,簡單咁 Recap:
1)數碼通加陣唔會只講上網最高速度,反而會用主要上網應用嘅體驗為網絡調控準則
2)大數據收集,自動化調控,會係未來手機網絡主要管理手段


最後,最後,講左咁多,大家又認唔認同,數碼通對網絡發展的準則,大家對佢地網絡表現,又有乜意見?不妨留言表達一下。

最新新聞