旺區上網不再慢 !數碼通與 Ericsson 推 FDD Massive MIMO 

Keith Yim 2017-10-30 19:58 | 數碼通
有留意版主關於網絡商嘅消息,上年中國移動香港與華為合作,係香港進行了一個建基於 2300 頻段嘅 TDD Massive MIMO 測試,呢個擴展網絡容量嘅技術,令到旺區當中的基站,可以容納更多人同時上網,而速度都會有番咁上下,唔會多人上網, 速度越來越慢。今日 30/10 數碼通聯同網絡設備供應商 Ericsson 宣佈在香港完成首個建基於 1800 頻段的 FDD Massive MIMO 測試,未來數碼通用家,都可以感受到旺區多人同時,上網速度一樣快嘅感受。到底 FDD Massive MIMO 與 TDD Massive  MIMO 有乜唔同?

fb.jpg

Massive MIMO 未來旺區上網救星技術
Massive MIMO 是全新網絡發射技術,當中核心是一個發射站,已包括好多的天線,以 Ericsson Massive MIMO 的基站為例,已有 32 支天線的發射能力,令訊號包括的數據量會更多,可應付多人同時上網也不會大減速度的問題。透過 Beamforming 技術,基站更可以把訊號集中於高數據用量的用家,更智能分配網絡資源,令只係 Facebook Browsing,或者狂睇 Streaming 短片的用家,都會感受最好的上網速度。

press photo 1.jpg
▲ 30/10 Ericsson 產品部網絡基礎設施負責人 Nishant Batra 與 SmarTone 科技總裁鄒金根,一同公開香港首個 FDD Massive MIMO 技術測試。

FDD 與 TDD Massive MIMO 的不同

華為是中國大陸嘅網絡設備供應商,所以發展 Massive MIMO 技術先以 TDD 制式為先。因為中國移動香港 CMHK 與 3 香港,都擁有以 4G TDD LTE 為主軸的 2300 頻譜,順理成章,CMHK 與 3HK 都會引入 TDD Massive MIMO 技術,但要你手機收到 2300 頻段訊號才能用得著。而 Ericsson 是歐洲的網絡設備供應商,好自然用番歐洲 4G FDD LTE 技術去造就 Massive MIMO。Ericsson 現時的 Massive MIMO 設備分別支援三個頻段,包括幾乎全港網絡商都有用的 1800 (1.8GHz) 頻段。

咁 Ericsson 與數碼通個套 FDD Massive MIMO 跟華為為 CMHK 與 3HK 建立個套 TDD Massive MIMO 有乜唔同呢?其實都係大同小異,都是用上上面提過的綜合基站與 Beamforming 的技術。不過,Ericsson 表示,要用得盡,感受最好的 FDD Massive MIMO 提供的網絡,就要有支援到 3GPP Release 14 的手機或裝置,若果唔係就未必感受得最好。而 TDD Massive MIMO 只要你的手機支援 2300 頻段,已經可以。但另一方面,因為數碼通與 Ericsson 合作的  FDD Massive MIMO 用上 1800 頻段,室外射入屋的效果更好,例如測試地區位於室內唐樓附近,Massive MIMO 本來係解決戶外旺區多人上網接收問題。若你在有 Massive MIMO 基站附近的室內,亦會有 Cell EDGE 的增長,即係只有好弱嘅訊號,但網速都會有所提升。若果村屋地帶也安裝 Massive MIMO,也可以更有效應付村屋帶流動上網的問題,隨時多人無限上網,也應付得到。

螢幕快照 2017-10-30 下午7.39.22.png
▲ Massive MIMO 的基站,主要安裝在大城市的繁忙地區,更有效地應付多人上網與速度的需求。

螢幕快照 2017-10-30 下午7.39.24.png
▲ Massive MIMO 主要是一組多天線 (數碼通測試的一組基站已包括 32 組天線) 基站,增加網絡網絡容量,再用 BeamForming 技術,準確地發送數據量予用家,滿足高與低數據量的需求。

螢幕快照 2017-10-30 下午7.40.17.png
▲ 這是數碼通與 Ericsson 合作興建的 1.8GHz Massive MIMO 基站。留意,附近大廈的手機上網用家,在室內訊號較弱地方,都可以有更高的上網速度。 

螢幕快照 2017-10-30 下午7.40.04.png
▲ 這個就是 Ericsson 支援 Massive MIMO 基站 「4G / 5G AIR 3246」 ,支援 1800 (band3)、AWS-3 (band66) 及 1900 (B2) 頻段。 未來數碼通會採用這組基站。

螢幕快照 2017-10-30 下午7.39.48.png

螢幕快照 2017-10-30 下午7.40.00.png
▲ 這兩張圖片表示,現存支援 1800 (1.8GHz) 頻段手機,在 Massive MIMO 覆蓋下,已可能 1.5X - 1.9X 訊號增強效果,未來去到 Relase 14 的手機,更升至達 5 倍的效果。

數碼通表示,2018 會把旺區基站升級至支援 Massive MIMO,我哋就睇下未來數碼通係旺區室外上網速嘅效果有否提升吧。

最新新聞