眾所周知，自由鳥用戶係可以隨時喺個 App 入面，變更所用的數據計劃。不過，今日留意到佢哋最平嘅 $38 Plan，居然寫住「有緣再會鳥 申請期至 6 月 25 日」。意思好明顯，即係 6 月 25 日之後，佢哋將會停止再收新客，如果仲想 Join 呢個 Plan 嘅話，就要盡快。
然而，版主比較在意的，是到底點解明明係一個咁吸引嘅 Plan，但自由鳥無啦啦要將佢砍掉呢？$38 有 300MB 21M 數據 + 無限 128kbps 限速數據，仲有 1000 本地分鐘可以打出打入，其實堅抵玩，版主自己都用緊，但以儲號碼、打出打入為主。而版主估計，就係因為太過吸引，加上自由鳥某程度上低估了網友對 128kbps 的使用量，個個 $38 用你幾 GB，自由鳥想唔蝕錢，都幾難。但舊客上咗台，又好難郁你，唯有暫停接受新客吧。網友又點睇呢？
另外，網友又會唔會因為咁，拿拿聲登記咗 $38 Plan，順便留住個 7 字頭電話號碼先呢？