主題:搶自由鳥、CMHK 客!數碼通推新平價 Plan 送埋「大灣區」數據

ePrice HK
  • 發表時間:2018-09-11 18:31 收錄檢舉
    之前聽聞身邊有不少朋友,都轉了會去自由鳥,老實,講平,自由鳥並不算是最平,但真心最好的地方,是唔使簽約,想留就留,想走就走,真正夠自由。不過,可能自由鳥的風頭太盛,母公司數碼通為了想吸返多啲客,逼住要出招打平價戰,自己打自己。呢個 Plan,會唔會吸引到網友上台呢?睇下文啦!

    打自由鳥、CMHK!數碼通推新平價 Plan 送埋「大灣區」數據
     

    $120 10GB 21M 數據,送大灣區漫遊數據

    同出面街站 Sales 討論過,他們都覺得今次 SmarTone 推出呢個 Plan 係幾抵嘅。話說今日 SmarTone 一口氣推出咗幾個 Plan,當中版主認為最吸引的,應該是 「4.5G 倍貼心計劃」,月費 $120 (另需 $18 行政費),唔單止有 10GB 21Mbps 本地數據,而且用剩數據嘅話,仲可以免費滾存到下個月用 (只限 Top Up 數據)。仲有仲有,SmarTone 呢個 Plan 仲會送埋「大灣區自在通 - 輕遊版」,乜嚟呀?就係包埋大陸電話號碼 + 每月 500MB 中國內地及澳門數據,而如果你攜號轉台嘅話,首 3 個月仲可以有雙倍大灣區數據添喎!你又覺得抵唔抵呢?

    打自由鳥、CMHK!數碼通推新平價 Plan 送埋「大灣區」數據

    呢個 Plan,某程度上係打緊自由鳥 $120 / 7GB Plan,不過仔細咁睇,各有各賣點啦。自由鳥,雖然同樣 $120 但得 7GB,不過勝就勝在唔使簽約,夠哂自由,而且用哂 7GB 之後,都仲可以繼續以 128kbps 無限上網。反之,數碼通 $120 Plan 有 10GB,多過自由鳥,但可惜過咗 10GB 就會自動停,無得再用,想要繼續用,就要 Top-up 買數據,$40/1GB,而用剩的 Top Up 數據,則可以滾存到下個月,。

    當然,另一個角度嚟睇,佢亦都係打埋 CMHK 的 $138 Plan,對手 $138 有 12GB,同樣每個月送 500MB 大灣區數據,定位都係相當接近,仲要對手可以用完 12GB 都仲有得繼續慢速上網。不過咁,$120 可以享受到純正 SmarTone 網絡,以用家嚟講都係一件不錯的事。眾所周知啦,講網絡穩定性,SmarTone 算係做得最好,你同意嗎?對於呢個數碼通新推嘅 Plan,你有無乜嘢意見?留言講下啦!
     

    數碼通另外仲有幾個新 Plan,詳情如下:

    打自由鳥、CMHK!數碼通推新平價 Plan 送埋「大灣區」數據
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁