智能酒店立即睇
SmarTone 最近完成了智能酒店及智能家居應用方案,據了解,此套方案已有酒店集團採用。雖然酒店還在興建中,但 SmarTone 係佢地嘅 Innovation Hub 已架建了示範單位,我哋睇過當中嘅示範,的確係好方便。▲由 SmarTone 打造嘅智能酒店,以旅客嘅角度來睇,方便之處,係由未入住之前,已感受到。點解咁講呢?當你完成訂房,你會收到入住通知及 Check In QR Code。去到酒店,只要你在 Check In 機,照一照 QR code 登記及掃掃旅遊證件,就可以完成,智能手機鑰匙亦即時畀你!好方便!退房時,同樣用智能手機鑰匙拍一下 Check In 機,再輸入你嗰大名就可以。
▲ 呢部仲可以做到 Upgrade 房間服務嘅功能,你可以選擇用手機嘅 Wallet 畀錢,包括了 Apple Pay 跟 Google Pay。
▲ 入到房間,會自動開燈!原來房間內設有感應器,旅客進入或離開房間時自動開關燈光、冷氣和窗簾。旅客角度來講,真係一入房就可以跳上床,出門又唔怕唔記得關燈咁唔環保。
▲ 房間更有專門控制全屋燈、電視機等嘅平板電腦。
▲ 呢塊平板電腦,仲可以幫電視機轉台!
▲ 自己部手機,仲可以射落去電視機,咁睇番手機嘅相,或者用手機揾完 YouTube Video,都可以係電視上面睇到啦!
▲ 真實示範智能酒店有幾方便。
智能家居示範
智能家居部份,SmarTone 專注家居安全。佢哋示範咗放係屋企用嘅三款感應器,包括水感應器、熱感應器及煙霧感應器,如感應器查到漏水,煙霧等情况,住户㑹收到短信通知,咁佢就可以立即返屋企或者叫鄰居查清楚乜事啦。▲ 水感應器。
▲ 當感應器發覺有唔正常情況,系統就會用短訊通知住戶。
小結:強大網絡背後支持智能城市
今次示範大家會問,手機網絡商,可以提供咁全面嘅服務架咩?其實,去到 4.5G 年代,過多幾年就有 5G 網絡,手機網絡架構,已不再是只針對手機、平板電腦咁簡單,係會成為幫助生活提升的主要科技支柱,大家好快就會因為呢類服務嘅出現,慢慢感受到智能城市,其實近眼前。而 SmarTone 係呢部份,已準備好晒架啦!資料由客戶提供