[有片睇] SmarTone 推智能酒店應用方案,手機代 Bell Boy!一分鐘內入房!

管理員 2018-10-25 12:28 | 數碼通
當大家還討論手機上網有幾快,網絡商已知道未來嘅 5G 世界,其實跟大家日常生活息息相關,好多技術,你用咗未必知跟手機網絡有關。 SmarTone 最近完成了智能酒店與智能家居嘅應用方案,好快就有香港酒店會使用!我哋睇過示範,原來未來酒店,只要你手中有一部手機,就可以完成入住、入房手續, Bell Boy 都唔駛!而房內唔少設備,都可以用平板電腦控制攪掂!想知未來酒店,有幾掂,我哋有片睇呀。

fb01.jpg


智能酒店立即睇

SmarTone 最近完成了智能酒店及智能家居應用方案,據了解,此套方案已有酒店集團採用。雖然酒店還在興建中,但  SmarTone 係佢地嘅  Innovation Hub 已架建了示範單位,我哋睇過當中嘅示範,的確係好方便。

IMGL2990.JPG
▲由 SmarTone 打造嘅智能酒店,以旅客嘅角度來睇,方便之處,係由未入住之前,已感受到。點解咁講呢?當你完成訂房,你會收到入住通知及 Check In QR Code。去到酒店,只要你在 Check In 機,照一照 QR code 登記及掃掃旅遊證件,就可以完成,智能手機鑰匙亦即時畀你!好方便!退房時,同樣用智能手機鑰匙拍一下 Check In  機,再輸入你嗰大名就可以。

IMGL3334.JPG
▲ 呢部仲可以做到 Upgrade  房間服務嘅功能,你可以選擇用手機嘅 Wallet 畀錢,包括了  Apple Pay 跟  Google Pay。

IMG-9274.JPG
▲ 入到房間,會自動開燈!原來房間內設有感應器,旅客進入或離開房間時自動開關燈光、冷氣和窗簾。旅客角度來講,真係一入房就可以跳上床,出門又唔怕唔記得關燈咁唔環保。

IMGL3281.JPG
▲ 房間更有專門控制全屋燈、電視機等嘅平板電腦。

IMG-9276.JPG
IMGL3187.JPG
▲ 呢塊平板電腦,仲可以幫電視機轉台!

IMG-9277.jpg
▲ 自己部手機,仲可以射落去電視機,咁睇番手機嘅相,或者用手機揾完 YouTube Video,都可以係電視上面睇到啦!


▲ 真實示範智能酒店有幾方便。

智能家居示範

智能家居部份,SmarTone 專注家居安全。佢哋示範咗放係屋企用嘅三款感應器,包括水感應器、熱感應器及煙霧感應器,如感應器查到漏水,煙霧等情况,住户㑹收到短信通知,咁佢就可以立即返屋企或者叫鄰居查清楚乜事啦。

SmarTone推出「智能酒店」和「智能家居」應用方案 開展本港智能物業的新時代_03.JPG
▲ 水感應器。

IMGL3057.JPG
▲ 當感應器發覺有唔正常情況,系統就會用短訊通知住戶。

小結:強大網絡背後支持智能城市

今次示範大家會問,手機網絡商,可以提供咁全面嘅服務架咩?其實,去到 4.5G 年代,過多幾年就有 5G 網絡,手機網絡架構,已不再是只針對手機、平板電腦咁簡單,係會成為幫助生活提升的主要科技支柱,大家好快就會因為呢類服務嘅出現,慢慢感受到智能城市,其實近眼前。而  SmarTone  係呢部份,已準備好晒架啦!

資料由客戶提供

最新新聞