感受 5G 威力由室內開始!SmarTone +新鴻基開 5G 先導網絡

Keith Yim 2019-06-06 14:28 | 數碼通
無論華為係咪被打壓,SmarTone 用愛立信定係華為做 5G 基站,無人可以阻止 5G 網絡係香港發展。早前 HKT 宣佈會係六月中,係香港大攪 5G Party,等市民可以搶試 5G 威力,數碼通都有呢個打算,會聯同母公司新鴻基地產集團合作,係旗下商場及酒店作 5G 先導網絡測試。大家都知 2020 年第三季,應該香港有商用 5G 網絡使用,之前你想試,一切由室內開始。

SmarTone 會好快推出全新電視廣告,有 5s (五個 S 用戶體驗)改為 5G 概念。不過,大家睇咗,唔好以為香港咁快有 5G 網絡可以用,因為需要政府語言偽術,話發咗 28GHz 頻段,香港網絡商就可以推 5G 服務,事實上,一定要夾埋年底才拍賣嘅 3.5GHz 等中頻段才可以。咁廣告,其實詁俾你知,5G 未直正發生,但都唔遠,下年 2020 年就有啦。



為了令市民大眾對5G有更多認識,SmarTone 於未來數月會係新地集團旗下商場好似 APM、新城市廣場、Yohoo Mall 等進行路演,展示 5G的不同應用,透過電競、AR等體驗展示5G的可能性。首個路演將於暑假期間假沙田新城市廣場舉行,未來亦將陸續於新地集團旗下其他商場舉行。此外,SmarTone 會係新地集團物業,安裝 5G 先導網,話唔定大家首次收到 5G 訊號,會係室內,唔係條街呢!

 

最新新聞