數碼通 ValueGB 月卡 數據加量
你可能未必記得原先 ValueGB 月費計劃係點,唔知而家同之前有乜唔同,唔緊要,有版主,一定會盡量清晰話畀大家知:舊版本 | 新版本 | |
月費 (30 日) | $98 | $98 |
數據用量 | 5GB | 10GB |
數據速度 | 21Mbps | 21Mbps |
邊度有得買?新卡有無嘢送?
其實 ValueGB 購買地點,主要不外乎係網店同深水埗 SIM 檔,而版主 check 過,無論是網店抑或深水埗 SIM 檔,卡價都是 $45 左右,開卡繼續會送 $28 數據獎賞、50 分鐘本地分鐘以及額外 1GB 數據。所以如果你係買新卡,實際上係咁嘅......由於開卡就會送 $28 數據獎賞,所以 $45 買張新卡,
實際上入面就有 ($98 + $28) = $126 的儲值額
輸入「*121*605#」開 Plan,用咗 $98,而因為首 30 日可以豁免 $2 行政費,所以最後都是剩返 $28,可作通話分鐘或其他用途。
一表比拼數碼通 ValueGB、CMHK Kabayan、3HK 萬能卡 (黑卡)
ValueGB | Kabayan | 黑卡 | |
最平月費 | ~ $45 (鴨記價) | $36 (三個月平均月費) | ~ $40 (鴨記價) |
數據用量 | 10GB (新卡送多1GB) | 20GB | 24GB |
正常速度 | 21Mbps | 21Mbps | 42Mbps |
FUP 數據速度 | 384kbps | 2Mbps | 384kbps |
使用網絡 | SmarTone | CMHK | 3HK |
通話分鐘 | 新卡會送 50 分鐘 | / | 首次開 Plan 送 1000 分鐘 |
咁其實睇完成個表,邊張卡性價比最高,最抵玩?一睇就知係 3HK 的萬能黑卡。雖然,價錢上唔係最平,相差 Kabayan $4 咁多,但無論在數據用量抑或速度上,都勝於 ValueGB 以及 Kabayan,而且首次開卡仲會送 1000 分鐘,點都比起 ValueGB 果 50 分鐘更好用。
但如果你係超級數據用量王,24GB 都唔夠你用,一個月用過百 GB,咁 Kabayan 應該係更佳選擇,因為雖然得 20GB,但佢 FUP 之後都仲有 2Mbps 速度,其實呢個速度已經比起 384kbps 好用得多。
而一較之下,數碼通張 ValueGB 即使在升級之後的情況下,仍然未能勝過對手,各方面都輸畀 Kabayan 以及萬能卡,真係叫做比較可取的賣點,是用 SmarTone 網絡,大眾普遍感覺較為穩定。但玩得呢啲儲值卡,好似都係以着數行先,畀我揀,我還是會揀返 3HK 黑卡。網友又會點揀呢?留言討論下啦!
本地儲值卡月卡
3HK挑機 CMHK Kabayan / Rekanan?3HK 萬能卡「黑卡」提速 + 加量
數碼通
數碼通 ValueGB 升級!數據加量!一文比拼萬能卡、Kabayan
CMHK
CMHK Kabayan 卡巴仁新玩法!$36 高速 4G 無限上網 (2020 年版本)
本地儲值卡年卡
CMHKCMHK「鴨聊佳」年卡出新版!50GB 高用量挑機 3HK 萬能卡
限時!CMHK「鴨聊佳」年卡 額外送 6GB 本地數據
「鴨聊佳」推新 SIM 中港年卡抵玩過對手!更平、更多 Data!
3HK
「藍萬」變橙!$150 即入貨!社交年卡共 50GB 高速數據(3 香港「國際萬能卡」攻略)
「鴨聊佳」有難!3HK 中港澳 萬年卡升級,抵玩好多?
數碼通
新版數碼通 ValueGB 年卡登場!玩埋中國、澳門共用數據,抵玩?
csl.
csl. Your Mobile 闖年卡戰團!最抵?一文比較網絡商年卡
SIM + microSD 二合一! 年卡快閃優惠 60GB 數據平均月費 $40 唔使
更多儲值卡優惠情報,請按此 (手機) 請按此 (電腦)