一機定生死! 第二部 Android 版 BlackBerry 有望出年見!
BlackBerry CEO 程守宗明言,如果市場對 PRIV 的反應好的話,咁下一部手機將有機會走高端路線。不過都要睇定啲先,要睇埋未來幾個月個銷售情況理唔理想,目前 PRIV 只在四個國家有售,未來三個月內將會登陸其他 31 個市場,到時睇下情況樂唔樂觀啦!根據目前的傳聞指出,第二部運行 Android 系統的 BlackBerry 手機代號叫 Vienna,並有諜照流出,但有關規格詳情就暫未有消息。
就咁望落去,好似就唔係好似 PRIV 咁有得推個實體鍵盤出黎,而且機身設計都無 PRIV 咁方型,而機的右邊則有 BlackBerry 固有的三按鍵,即係音量鍵以及中間的特別功能鍵。個樣望落好似都唔差咁,如果新機 Vienna 到時真係咁嘅樣,唔知大家有無興趣呢?
來源:GSMArena