根據版主收到的消息，呢部 BlackBerry KEYone 將會在六月初正式開賣，建議零售價四字頭，接近五千價位。實際上賣幾錢，暫時未知，版主會繼續收風，一有消息會第一時間同大家講。不過爆料人講到「四千幾，接近五千」，咁版主估計應該都係 $4998 左右 (26/5 更新消息: 已確定 KEYone 建議零售價為 $4988，同版主估嘅差不多)。KEYone 係吸引嘅，但賣到近五千呢個價錢，你又會唔會考慮呢？呢個價錢，幾乎可以堪稱史上最貴 S625 手機，如果賣三千，都可以考慮嘅，五千，就可免則免。你認同嗎？
▲ 版主個人覺得有實體鍵盤的智能手機，真係好型！
BlackBerry KEYone 除左有實體鍵盤，另一個特別賣點，就係用上 IMX 378 相機模組，亦即係 Google Pixel XL 果粒。不過，係咪因為咁就可以開價咁高呢？在 KEYone 發表的時候，Google Pixel 相機都仲可以叫做最強，但而家講到影相勁，仲有 HTC U11，俾多一兩舊水，就可以買到 4GB / 64GB 仲要 S835 的 U11，DxOMark 分數仲要有 90 分，比 Google Pixel 高 1 分。如果俾你揀，你會揀 U11 還是 KeyOne 呢？
▲ 不過 KEYone 個價又真係貴左啲，如果係呢個價錢，點解唔加多一兩舊，去入手 DxOMark 有 90 分、仲要用 S835 處理器的 HTC U11 呢？
BlackBerry KEYone 在文章發表時，香港上市日期未定，按這裡有詳細規格及最新賣價。
HTC U11 (4GB / 64GB) 在文章發表時，建議零售價為 $5098，按這裡有詳細規格及最新賣價。