Pixel 旗艦鏡頭 + 實體鍵盤!行貨提前開賣,黑苺鍵盤手機二千六入手!

左定坤 (Cho Ting Kwan) 2017-06-13 20:42 | Blackberry
S835 旗艦雖然是很吸引,當中的 HTC U11 甚至可以稱得上是好抵玩,不過對於版主來說,即使規格配置有幾旗艦,都未必能夠吸引到我。點講好呢?有時覺得,部部手機都一式一樣,當你玩得多手機,就會開始覺得好悶,無乜特別咁。版主個人是偏向「鍵盤控」,比較對有實體鍵盤的手機有興趣,特別是 BlackBerry 最新果部 KEYone,價錢來說雖然唔平,但深深的吸引到我。而家行貨提早開賣,你又會否打算入番部玩下呢?睇下文啦!

BB(Facebook).jpg

黑苺 KEYone 行貨提前開賣!網友會入手?

BlackBerry 將會在 6 月 21 日在香港舉行發佈會,發表最新的 KEYone,配備 S625 處理器 + 3GB RAM + 32GB ROM,最大賣點是有實體鍵盤以及其 Pixel 級數的相機鏡頭。價錢方面,版主之前已經爆料話俾大家知,KEYone 建議零售價將會是 $4988,而家已經得以確認。最近發現有大舖出現了 KEYone 的預訂海報,上面都清楚寫明是 $4988,同之前爆的賣價一樣,預訂會送半年屏幕保、保護貼、機套、尿袋以及 Type-C 線。不過,唔使等大舖,KEYone 行貨而家已經提前抵達旺角先達,開價 $4980,有現貨,想搶先入手的話,是機會了嗎?

19204983_450573925301419_1282931237_o.jpg
▲ 大舖現已接受預訂,不過 KEYone 行貨已經在旺角先達提前開賣了,同大舖近乎一樣的價錢就買到!鍾意鍵盤手機的網友,會唔會對呢部有期望呢?

二千六有找,入手真‧黑苺鍵盤手機

雖然 BlackBerry KEYone 感覺上係好吸引,不過有些網友可能會覺得,其實而家黑莓手機已經變左質,實際上其實咪又係 TCL 代工,咪即係變左大陸機~係嘅,我相信實有網友會咁諗,不過如果二千六唔使,入手真 BlackBerry 鍵盤手機,你又覺得諗唔諗得過呢?講嘅係 PRIV,旺角先達水貨而家跌到落 $2580,呢個價錢又吸唔吸引到你變身成鍵盤戰士呢?

blackberry-priv.jpg

BlackBerry KEYone 在文章發表時,建議零售價為 $4988,按這裡有詳細規格及最新賣價
BlackBerry PRIV 在文章發表時,水貨賣價為 $2580,按這裡有詳細規格及最新賣價

鳴謝及查詢:三禾電氣 23740618 (旺角) 23740718 (銅鑼灣)

最新新聞