輕薄好揸、雙鏡實測! 打字神器 BlackBerry KEY2 行貨開箱

YKer 2018-07-28 22:21 | Blackberry
早輪版主坤哥分享有關香港 BlackBerry KEY2 鍵盤機的開賣資訊,唔少網友都私下問本 YK 呢部機值唔值,係咪買得過? 當時無見過真機、無揸過都只能夠紙上談兵。無意中得知版主有機, 本 YK 冒死都要問版主借黎玩幾日喇! 先講結論: 鍵盤可以話係黑莓機按鍵最好打的一代,升級係絕對值得。其他? 睇落去就知! 

FB.jpg

開箱鳥~
要深入分享黑莓機定製版 Android 系統其實是非常繁複,皆因內裡很多細小的功能、捷徑、設定都為商務人士而設,尤其是其系統安全設定 DTEK、BB Hubs 等。本 YK 號稱玩機無數,在眾多 Android 機裡需要睇說明書的產品,就只有 BlakcBerry 的手機,尤其是這部 KEY2 鍵盤機,唔睇肯定唔識用!

IMAG5113.jpg
▲ 話明黑莓,包裝係黑盒。呢部銀色版的 KEY2 被我稱為瘦身「Passport」。唔知道我講乜「Passport」? 自己 Google 下啦~

IMAG5114.jpg
▲ KEY2 主要規格都清楚列出,除了處理器有大進步外,其他都無太大驚喜。

IMAG5115.jpg
▲ 拉出紙套後就是盒真身,其實個人中意呢種,低調才是我的風格~

IMAG5118.jpg
▲ 最重要的說明書,好多人都係屬於「唔識用就話唔好用」嘅朋友,強烈建議睇清楚嗮說明書先用機!

IMAG5119.jpg
▲ Type C USB 數據充電線,以及印有 BlackBerry Logo 的 3.5mm 耳機。

IMAG5116.jpg
▲ 隨機附送火牛支持 5V/3A、9V/2A、12V/1.5A 三種充電模式。

IMAG5123.jpg
▲ 真身登場!第一眼觀感是瘦身「Passport」,標誌性的銀黑金屬外殼。

IMAG5128.jpg
▲ 後備是鑽石紋防滑膠,KEY2 的造工比之前 KeyOne 和 Priv 都要好,防滑膠無虛位,握感也是超乎想像地好!

IMAG5140.jpg
▲ 機身頂部保留 3.5mm 耳機孔,以及收音孔; 7 系鋁合金邊框打磨工藝非常好,沒有任何菱角,摸下去非常的舒服。

IMAG5139.jpg
▲ 機身底部是 Type-C USB 接口,喇叭及收音孔,也能看到手機的天線;是的,鍵盤空白鍵同時也是指紋識別器。

IMAG5141.jpg
▲ 前鏡頭 800 萬像素,無自動對焦,支持屏幕打光功能,但你真係唔好對前鏡的畫質有太高期望,稍後再講。

IMAG5133.jpg
▲ 電容式背光「三天王」,4.5 吋屏幕採用 IPS LCD 組件,3:2 長闊比例的解析度是 1620 x 1080,市場罕見的規格。 只是大猩猩玻璃有一定厚度,較容易造成反光,降低可視度。

IMAG5130.jpg
▲ 左側是三選二卡槽,是金屬框架喔,但不少商務朋友都話:點解唔做真三卡槽?

IMAG5131.jpg
▲ 機身右側右側是快捷鍵、有刻紋的電源鍵,以及音量鍵。

IMAG5129.jpg
▲ 主鏡頭改為雙 1200 萬像素鏡頭:廣角 f/1.8 相位對焦鏡頭;長焦 f/2.6 相位對焦鏡頭。

IMAG5132.jpg
▲ ​四列的背光鍵盤,空白鍵同時兼容指紋識別器,解鎖速度爽快。但不明白左右下角整塊黑色扮按鍵做乜? 其實係 Click 唔到落去。

IMAG5143.jpg
▲ ​右下角有個「九點按鍵」,官方稱為 Speed Key (SK)。 本身長按鍵 / 短按鍵都可以設定捷徑,多一個 Speed Key 就有多一層空位設定更多捷徑,例如 「SK + F = 打開 Facebook」、「長按 F = 打開 Firefox」。對於多工型新人類黎講,係一個很實用的功能。


性能測試:多 RAM 有分加
上一代 KeyOne 比人話用高通 625 處理器太弱,今次  KEY2 就改為高通八核心 660 處理器,配合 6GB RAM + 最高 128GB ROM (本 YK 手上的是 64GB 版)。 其實商務機用 660 都足夠有餘,開工日日玩遊戲?日日睇 Youtube ? 我用了快兩個星期,最常見的功能是回覆 IM 通訊軟件、撰寫電郵、Twitter 睇 / 發文、睇新聞等,得益於 6GB RAM,感覺操作速度順滑。內置實用功能多多,加強版日曆、BB Hubs、密碼管理器等,只係。。。 點解無通話錄音啊! 

Screenshot_20180728-123500.png
▲ KEY2 安兔兔跑分只有 127084,比同屬 S660 處理器的 Nokia 7 Plus 少一萬分。

Screenshot_20180728-124105.png
▲ 從讀寫速度看,達不到 UFS 標準。我覺得商務機來講唔用 UFS 2.1 係講唔過去,尤其係如果後台多野讀寫時,eMMC 唔夠通道做即時處理,會拖慢用戶操作反應。(不知道 128GB 版係咪都係 eMMC?等網友告知。)

Screenshot_20180728-205548.png Screenshot_20180728-205623.png
▲ KEY2 內置 3500mAh 電池,支持QC3.0 快充技術。在 GeekBench 4 續航測試得分 4750,是很不錯的分數,比部分旗艦手機都要好(續航測試介紹請看這裡)。


鍵盤手感一絕!
本 YK 一向喜歡 QWERTY 手機,虛擬鍵盤輸入容易錯位,準確度唔高,長期打字會令人心煩氣躁。 以往除了黑莓手機,Motorola、Sony 等鍵盤機都係曾經服役的型號,可惜近代 Android 系統只有黑莓出鍵盤機,Priv 和 KeyOne 各種小問題如 S808 發熱、KeyOne 甩屏幕等,甚至最重要的實體鍵盤設計,本 YK 都未能收貨,但來到 KEY2 的新鍵盤終於獲得我「收貨好評」。

IMAG5142.jpg
▲ 用開 KeyOne 的網友,如果你試玩過 KEY2 的新鍵盤,絕對令人眼前一亮。使用兩天後已能準確、快速地在鍵盤上舞動手指,打字成為享受與樂趣。

IMAG5153.jpg
▲ 鍵盤支持左右滑動功能,實體鍵盤絕對係坐車時打字的好幫手,車震震你手震震,用虛擬鍵盤簡直係大災難。本 YK 親測用 KEY2 上疾速夜巴、亡命紅 VAN,都能準確輸入文字不受影響。

IMAG5162.jpg
▲ 好多網友以為鍵盤做得好就無伏,但其實機背很重要。我用 KEY2 雙手打字時,全靠厚實的防滑機背,捉得緊之餘,同時成為手指發力的支點,打字就更高速。機背呢樣野 PRIV 和 KeyOne 做得非常差,係非常差!


改用雙鏡頭有驚喜?
今代 KEY2 跟上潮流改用「長短雙鏡」組合,雖然一直對黑莓商務定位手機的相機無太大期望,但心底里仍然希望會有好表現。以下有一堆實拍圖比大家參考下:

IMG_20180729_1026101.jpgIMG_20180729_1026454.jpg
IMG_20180729_1031234.jpgIMG_20180729_1101378.jpg
IMG_20180729_1103349.jpgIMG_20180729_1444050.jpg
▲ 畫質看到很一般,放大後不難看到有一定程度的油畫化, 但整體上戶外色準表現很不錯,符合商務機「準確」的元素。

IMG_20180729_1028003.jpgIMG_20180729_1028068.jpg
▲ 值得留意係室內光管環境下,1X 和 2X 變焦下,兩個鏡頭在同一場景下顯示色溫截然不同,而廣角鏡頭色準表現會更好。

IMG_20180729_1107339.jpgIMAG5148.jpg
▲ 左邊是 KEY2,右邊是某廠旗艦機,在暗位環境下 KEY2 油畫化嚴重,除了因為感光元件先天弱勢外,主動將 ISO 拉高的算法亦是一個弱點。

IMG_20180729_1444244.jpgIMG_20180729_1444579.jpg
▲ KEY2 有一個令我驚喜的特性,手機放得好近都能夠對焦拍攝! 好多旗艦手機在近距離拍攝時鏡頭會無法對焦,KEY2 就可以,估計是考慮到商務人士對拍攝文件 / 卡片等小印刷品的需求。


結論:好打鍵盤提高效率
KEY2 鍵盤確實係目前效率最高的手機,至少本 YK 體驗係咁。內建的功能都非常「商務定位」,而且擁有非常多的捷徑和設定,預載黑莓自家應用很多,但個個都係實用 Apps,我會稱佢為「真鍵盤戰士的專用機」,感覺就好似 007 特務用機。 而且黑莓緊貼 Google 發布的每月安全更新,最適合某類「安全更新少幾次會世界末日」的網友。

其實寫呢篇開箱文之前,我都唔知道可以點樣分享比網友知道 KEY2 鍵盤的優秀,因為手感正係好難以用文字來形容,因為唔係好多人會認為「打字爽快無錯」係重要。不少網友都問一個問題: KEY2 的香港開賣價 5688 元值唔值? 我會同呢班網友講「唔值得」,因為問得呢個問題都唔會係實體鍵盤的用家。 如果你本身用舊 BB 鍵盤機,包括 PRIV 或 KeyOne,甚至更早的 Passport 或 Classic 等,本 YK 認為絕對值得升級上 KEY2,記住直上 128GB 版。如果你未用過又有興趣用 KEY2,我建議你都係等正式開賣後落大鋪玩下個鍵盤再講。
 

相關產品 (1)

相關報導 (4)

衛訊一、二月優惠!二千唔駛 Sony 六吋大芒機最抵!

衛訊一、二月優惠!二千唔駛 Sony 六吋大芒機最抵!

每個月第一日,多數係公眾假期,亦係大型電器連鎖店轉信用卡優惠嘅時間。一、二月,輪到衛訊轉優惠:今次佢哋大新信用卡合作。但若果你無呢間銀行嘅信用下,一樣可以買到呢期嘅特價手機,四款之中,以Sony六吋大芒手機最合網友心水、一款FeaturePhone好合行山嘅老友記、仲有若果你想換一部有埋Keyboard嘅機,黑莓Key2減到同呢排推出嘅次款Key2LE差唔多價,無理由差少少買差好多嘅降規版本吧。

Keith Yim | 2019-01-01
商務機都影到靚相? BlackBerry KEY2 實拍 12 小時

商務機都影到靚相? BlackBerry KEY2 實拍 12 小時

還記得本YK第一日問版主Keith大大借黎試玩BlackBerryKEY2鍵盤手機,最主要都係為左個實體鍵盤而著迷。皆因低輸入錯誤率、可以滑動的觸控鍵盤、一堆實用的商務套件配合,稱得上係商務機之王。但勢估唔到KEY2的相機表現,先係我低估佢得太多的部分!12小時地獄實拍,GO!

YKer | 2018-11-08
輕薄好揸、雙鏡實測! 打字神器 BlackBerry KEY2 行貨開箱

輕薄好揸、雙鏡實測! 打字神器 BlackBerry KEY2 行貨開箱

早輪版主坤哥分享有關香港BlackBerryKEY2鍵盤機的開賣資訊,唔少網友都私下問本YK呢部機值唔值,係咪買得過?當時無見過真機、無揸過都只能夠紙上談兵。無意中得知版主有機,本YK冒死都要問版主借黎玩幾日喇!先講結論:鍵盤可以話係黑莓機按鍵最好打的一代,升級係絕對值得。其他?睇落去就知!

YKer | 2018-07-30
嚇死人咩!BlackBerry KEY2 賣呢個價!二千幾蚊,識玩一定買舊代?

嚇死人咩!BlackBerry KEY2 賣呢個價!二千幾蚊,識玩一定買舊代?

其實每次BlackBerry出新機,版主我同埋YK大師都會覺得好興奮,好有果種想即刻J的衝動。對我來說,可能因為部部智能手機都太過普通,反而有個品牌堅持推出有實體鍵盤的手機,姑勿論是否實用,但總會有支持它的粉絲。不過,BlackBerry手機最弊就係定價太高,有時我會覺得,根本不是一個合理價,就好似明日發表的KEY2,版主個人就覺得太貴了吧!反而,我會覺得而家買返上一代的KEYone,也許會是更明智的選擇。二千幾蚊就買到,難道不是更抵玩嗎?睇下文啦!

左定坤 (Cho Ting Kwan) | 2018-07-19

最新新聞