主題:一睇就知 呢篇喺鱔稿!ePrice.HK 廣告透明化政策啟動

  • 發表時間:2020-01-06 15:38 收錄檢舉
    為了令網友更清楚 ePrice.HK 跟大家分享嘅文章係咪廣告文,我哋係 2020 年實行《ePrice.HK 廣告透明化政策》。我哋希望透過呢篇政策講述,等各位網友知道,我哋嘅文章,點先會係收咗錢。

    一睇就知 呢篇喺鱔稿!ePrice.HK 廣告透明化政策啟動
     

    關於廣告

    ePrice.HK 係一個科技媒體網站,以商業模式運作。喺過往至 2020 一月及可見嘅未來,都係以分享手機資訊,科技消息同埋消費性電子產品價格及著數內容為主。主要及幾乎唯一嘅收入來源就喺廣告。

    ePrice.HK 嘅廣告包括及不限於網絡橫幅廣告及其他以呢個技術為主嘅廣告,例如 Google Adsense 及最近引入的 Pop-In。呢類廣告都是很容易識別得到。

    ePrice.HK 嘅廣告,都包括廣告文章,贊助式 Facebook Fee及網店聯盟連結。其中廣告文章,一直是我哋收入主要來源。
     

    廣告文章

    001:我哋廣告文章,唔會用版主及其他作者名義發表,全部會用 《eprice_edit  管理員》呢個戶口發出。
    002:會喺文章底部,以淺色字款寫上《資料由客戶提供》或相類嘅字眼作識別。
    003:全部廣告文章,不設網友回應。

    一睇就知 呢篇喺鱔稿!ePrice.HK 廣告透明化政策啟動

     

    贊助式 Facebook Feed

    004: 全部贊助式 Facebook Feed 文字表示,會以《推介》為開頭。

    一睇就知 呢篇喺鱔稿!ePrice.HK 廣告透明化政策啟動

     

    網店聯盟連結

    網店聯盟連結即係透過由文章按入網店連結後,網友再進行購買活動,我哋從中收取分成。有關網店聯盟連結喺我哋一項未來廣告發展項目,在 2020 年之前,未曾出現過喺 ePrice.HK 之中。

    005:我哋會喺連結之前寫明,我哋喺該網店嘅網店聯盟之一。

    一睇就知 呢篇喺鱔稿!ePrice.HK 廣告透明化政策啟動

     

    2020 年執行

    《ePrice.HK 廣告透明化政策》即日執行,但由於有部份跟客戶簽定廣告合約還未完結,部份廣告未必能加上識別,估計2020 年 3 月左右,我哋全部廣告文章,贊助式 Facebook Feed 及網店聯盟連結,都會有識別注明。

    在此聲明:ePrice.HK  係少數香港科技網站,廣告文章有清楚列明《資料由客戶提供》,事實上已執行多年。由於呢個唔係業界共識,不少相類網站都沒有相關安排。

    而 ePrice.HK 團隊一直以《跟網友分享 》嘅角度撰寫科技/手機消息及產品評測,當中或有比較主觀成份。不過,除咗上述有廣告辨識文章,團隊嘅其他文章,全部沒有受有關公司及廠商指示及影響,希望各網友多多了解。

    這為政策首個版本:2020 年 1 月 3 日 
     
    多謝支持 ePrice.HK

    立即加入Facebook 專頁,新聞/消息/優惠,最快知。

    01樓 ▲TOP 回列表頁