▲ 限速 3G 月費,佢地雖然睇落相近,但係各自各用既網絡同埋條款都唔同,網友們都需要留意!
中移動月費最平 $68!想要方便就考慮新世界?
在新世界加價之後,其實 $68 + $12 係同中國移動香港 (使用 PCCW 3G 網絡) 同價,不過中移動只要簽約 18 個月就可以免 $12 行政費,變相成為現時最便宜的限速月費。但要留意幾樣限制:首先中移動月費係唔包 Tethering 同埋 P2P 下載,官方亦指出月費唔支援 7 吋以上裝置(版主試過某些山寨機用到,網友有經驗可以補充一下),另外要用信用卡自動轉帳再簽 18 個月先可以免 $12 ,合約期相對是比較長的一種,彈性比較低。新世界傳動網的好處是不限使用方式,最短亦可以只簽 12 個月月費,同台 SMS 亦可以 Send 到 One2Free 同埋 1010 (不過呢個年代大家都係用 Whatsapp ,其實唔太重要),月費同 SmarTone 一樣係 $80 ,選用邊個就睇大家需唔需要用到 Tethering 啦。其他網絡商例如 3HK 、中國聯通香港 (使用 PCCW 的 3G 網絡) 都有推出 384kbps 限速月費,大家可以參考下面的表格去睇睇使用限制和特點。
電訊商 | 價錢 | 通話分鐘 | Tethering | 上網用量 | 最短合約期 | 備注 |
中國移動 香港 |
$68 | 1700 | 不可 | 無限(最高速度 384kbps) | 18 月 | 可加 $12 用 PCCW 無限 Wi-Fi、不可以用於 7 吋以上裝置、內地漫遊上網日費 $38 、使用PCCW 3G 網絡 |
Smartone | $80 | 1700 | 不可 | 無限 (最高速度 384kbps) | 6 月 | 只限手機使用 |
3HK | $81 | 1200 基本分鐘 + 900 網內 | 可 | 無限 (最高速度 384kbps) 2GB 公平使用量 |
15月 | / |
新世界傳動網 | $80 | 1700 | 可 | 無限(最高速度 384kbps) | 12 月 | 同台 SMS 包 1010 、 One2Free 和新聞世傳動網,使用 CSL 3G 網絡 |
中國聯通香港 | $68 | 1500 | 可 | 無限(最高速度 384kbps) | 24月 | 內地電話號碼加 $10 不支援 Facetime、 Video Call,使用 PCCW 3G 網絡 |
▲中國移動香港推出 $12 的無限 Wi-Fi 睇落抵玩,但係版主 Keith之前都教過用平均月費 $3 玩無限 Wi-Fi 啦,相信精明的網友會識得點揀;要有 Tethering 的話中國聯通簽 24 個月係 $68 最平,不過通話就得 1500 分鐘
限速新選擇!CMMobile 用 CSL 網絡 $80 抵唔抵?
最近版主又留意到有一個限速月費係用 CSL 網絡,換句話說係同新世界相當接近的,收費同樣是 $80 (已經免了 $12 隧道費),包 1700 分鐘通話和 384kbps 無限上網,同樣可以 Tethering 和使用 BT ,那麼和新世界又有什區別呢?首先它可以加 $8 一個月升級至 1 卡兩號,對於需要接聽內地電話的網友來說亦比較方便。不過他們的網內 SMS 是不包 One2Free 、 1010 同電訊數碼的,上台之前要諗清楚啊!版主亦致電過他們的客服去查詢,如果有需要大陸上網的網友可以用 $38 漫遊日費計畫,跟中國移動香港一樣,使用中國移動的 2G GSM 網絡啦,大家認為係咪實用呢?留言分享一下意見吧!
▲如果認為這個月費適合的話,需要打電話去預約到地鐵站簽約和拿 SIM 卡,而他們好像是沒有門市的,詳情網友可以到他們的網址查詢